Our Messages in Malayalam | മലയാളം

കുട്ടികൾക്കായുള്ള 100 ആരോഗ്യ സന്ദേശങ്ങൾ 8-14 വയസുള്ള കുട്ടികളെ ഉദ്ദേശിച്ചുള്ള ലളിതവും വിശ്വസനീയവുമായ ആരോഗ്യ വിദ്യാഭ്യാസ സന്ദേശങ്ങളാണ്. ഈ വിധത്തിൽ, ഇതിൽ 10 നും 14 -നും വയസ്സിനിടയിലുള്ള കൗമാരക്കാർ ഉൾപ്പെടുന്നു. പലപ്പോഴും, 10 -നും 14 -നും വയസ്സിനിടയിലുള്ള കൗമാരക്കാരാണ് വീട്ടിലുള്ള ചെറിയ കുഞ്ഞുങ്ങളെ ഗൗനിക്കുന്നതെന്നിരിക്കെ, ഈ കൂട്ടർക്ക് അറിവുണ്ടാകുക എന്നത് വളരെ ഫലപ്രദവും സുപ്രദാനവും ആണെന്ന് ഞങ്ങൾ കരുതുന്നു. കൂടാതെ, ഈ വിധത്തിൽ അവർ അവരുടെ കുടുംബങ്ങളെ സഹായിക്കാൻ വേണ്ടി ചെയ്യുന്ന പ്രവർത്തി അംഗീകരിക്കപ്പെടുകയും പ്രശംസിക്കപ്പെടുകയും ചെയ്യേണ്ടത് പ്രധാനമാണ്.

ഈ പറയുന്ന 10 പ്രധാനപ്പെട്ട ആരോഗ്യ വിഷയങ്ങളിൽ 10 സന്ദശങ്ങൾ വീതം ഉൾപ്പെടുന്ന 100 സന്ദേശങ്ങളാണിവ: മലമ്പനി, വയറിളക്കം, പോഷകാഹാരവ്യവസ്ഥ, ചുമയും ജലദോഷവും, കുടൽവിരകൾ, ജലവും ശുചിത്വവും, പ്രതിരോധകുത്തിവെയ്പ്പ്, എച്ച്‌ഐവിയും എയ്ഡ്സും, അപകടങ്ങളും, മുറിവുകളും ആദ്യഘട്ട ബാല്യകാല വളർച്ചയും. ഈ ലളിതമായ ആരോഗ്യ സന്ദേശങ്ങൾ കുട്ടികൾക്ക് വേണ്ടി, വീടുകളിലും, സ്കൂളുകളിലും, ക്ലബ്ബുകളിലും, ക്ലിനിക്കുകളിലും മാതാപിതാക്കൾക്കും ആരോഗ്യ പ്രബോധകർക്കും ഉപയോഗിക്കാവുന്നതാണ്.

ഈ ആരോഗ്യ സന്ദേശങ്ങൾ വിദഗ്ധ ആരോഗ്യ പ്രബോധകരാലും വൈദ്യശാസ്ത്ര വിദഗ്ധരാലും അവലോകനം ചെയ്യപ്പെട്ടവയാണ്. ആരോഗ്യ സന്ദേശങ്ങളുടെ അർത്ഥം കൃത്യമായിരിക്കുന്നിടത്തോളം, അവയെ പരിഭാഷപ്പെടുത്തുകയും അനുരൂപപ്പെടുത്തുകയും ചെയ്യാവുന്നതാണ്. ആരോഗ്യ സന്ദേശങ്ങൾ കൃത്യവും കാലാനുസൃതം പരിഷ്‌ക്കരിച്ചതുമാണെന്നു ഉറപ്പ് വരുത്തുവാൻ വളരെ ശ്രദ്ധ ചെലുത്തപ്പെട്ടിട്ടുണ്ട്. ക്ലാസ് മുറികളിലും പ്രോജക്ടുകളിലും ആരോഗ്യ വിദ്യാഭ്യാസ പ്രവർത്തനങ്ങളുടെ ചട്ടക്കൂട് ഉണ്ടാക്കുന്നതിനും, ചർച്ചകൾക്കും മറ്റ് പ്രവർത്തനങ്ങൾക്കും ഉത്തേജനം നൽകുന്നതിനും ആരോഗ്യ പ്രവർത്തകർ ഈ ആരോഗ്യ സന്ദേശങ്ങൾ ഉപയോഗിക്കുന്നു.

ഉദാഹരണത്തിന്, ശരിയായ കൈ കഴുകൽ പ്രക്രിയയെക്കുറിച്ച് പഠിച്ചതിനു ശേഷം, ‘നമ്മുടെ കുടുംബത്തിലും, സമൂഹത്തിലുമുള്ള വ്യക്തികൾക്ക് കയ്യുകൾ വൃത്തിയായി കഴുകുന്നതിലുണ്ടാകുന്ന ബുദ്ധിമുട്ടുകളുടെ കാരണങ്ങൾ എന്താണെന്നു’ കുട്ടികൾക്ക് അന്യോന്യവും, അവരവരുടെ കുടുംബങ്ങളോടും ചോദിക്കാവുന്നതാണ്. ഈ വിഷയത്തെ കുറിച്ച് കുട്ടികൾ അന്യോന്യം സംസാരിക്കുകയും, എങ്ങനെ പ്രശ്നങ്ങൾ പരിഹരിക്കാം എന്ന് ഒരുമിച്ചു തീരുമാനിക്കുകയും, അത് വഴി മാറ്റത്തിൻറ്റെ കാര്യകർത്താക്കളായി മാറുകയും ചെയ്യുക എന്നതാണ് ഈ ആരോഗ്യ സന്ദേശം പഠിക്കുന്നതിൻറ്റെ അടിസ്ഥാന ഗുണം. ചർച്ചയിലേക്കും പ്രവർത്തിയിലേക്കും നയിക്കുന്ന ഒരു പ്രവേശന കവാടം പോലെയാണ് സന്ദേശം.

മാതാപിതാക്കൾക്കോ അധ്യാപകർക്കോ, കുട്ടികളോട് ആരോഗ്യ സന്ദേശങ്ങൾ ഹൃദ്യസ്ഥമാക്കാൻ ആവശ്യപ്പെടാം. അല്ലെങ്കിൽ, സന്ദേശം ഹൃദ്യസ്ഥമാക്കുവാൻ സഹായകമാകുംവിധം, കുട്ടികൾക്ക് ഓരോ സന്ദേശത്തിനോടും യോജിക്കുന്ന ചേഷ്ടകളുണ്ടാക്കാം. ഒരു ആരോഗ്യ സന്ദേശം പഠിക്കുകയും, അത് മറ്റുള്ളവരോട് പങ്കു വെയ്ക്കുകയും ചെയ്ത കുട്ടികൾക്ക് പ്രതിഫലമായി ചെറിയ സമ്മാനങ്ങൾ നൽകാവുന്നതാണ്. ഉദാഹരണമായി, ഒരു റിബ്ബണോ ഒരു വർണപ്പകിട്ടുള്ള തുണിയോ സമ്മാനങ്ങളായി കൊടുക്കാവുന്നതാണ്. അവർ പഠിക്കുകയും പങ്കിടുകയും ചെയ്ത ആരോഗ്യ സന്ദേശങ്ങൾ കാണിക്കുവാൻ വേണ്ടി, കുട്ടികൾക്ക് ഇത് ഒരു കമ്പിൽ കെട്ടിയിട്ട് ഒരു വര്‍ണശബളമായ മഴവിൽ കമ്പ് ഉണ്ടാക്കി രസിക്കാവുന്നതാണ്.

കുട്ടികൾക്ക് പഠിക്കുവാനും പങ്കുവെക്കുവാനുമുള്ള 100 ആരോഗ്യ സന്ദേശങ്ങൾ ചിൽഡ്രൻ ഫോർ ഹെൽത്ത് എന്ന യുകെയിലെ കേംബ്രിഡ്ജ് അടിസ്ഥാനമായ ഒരു ചെറിയ എൻജിഒയാണ് സൃഷ്ടിച്ചത്. ലോകത്തെമ്പാടുമുള്ള ആരോഗ്യ വിദ്യാഭ്യാസ പങ്കാളികളുമായി ചേർന്നാണ് ചിൽഡ്രൻ ഫോർ ഹെൽത്ത് പ്രവർത്തിക്കുന്നത്.

ഈ ആരോഗ്യ സന്ദേശങ്ങൾ വിദഗ്ധ ആരോഗ്യ പ്രബോധകരാലും വൈദ്യശാസ്ത്ര വിദഗ്ധരാലും അവലോകനം ചെയ്യപ്പെട്ടവയും ORBയുടെ ആരോഗ്യ വെബ്സൈറ്റിൽ ലഭ്യവു മാണ്: orbhealth.com.

  1. കുഞ്ഞുങ്ങളുടെ സംരക്ഷണം
  2. ചുമയും, ജലദോഷവും അസുഖങ്ങളും
  3. പ്രതിരോധകുത്തിവെയ്പ്പ്
  4. മലമ്പനി
  5. വയറിളക്കം
  6. ജലവും ശുചിത്വവും
  7. പോഷണം
  8. കുടലിനുള്ളിലെ വിരകൾ
  9. അപകടങ്ങളും മുറിവുകളും തടയുന്നതിനെക്കുറിച്ഛ്
  10. എച്ച്ഐവിയും എയിഡ്സിനെക്കുറിച്ചും