Our Messages in Oriya | ଓଡ଼ିଆ

100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି । ସ୍ୱାସ୍ଥ୍ୟ ବାର୍ତ୍ତାଗୁଡ଼ିକୁ ଠିକଠାକ ରଖିବା ସର୍ତ୍ତରେ ସେଗୁଡିକୁ ଅନୁବାଦ ଏବଂ ଗ୍ରାହ୍ୟ କରାଯାଇ ପାରେ । ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ସଠିକ ଏବଂ ଅଧୁନାତନ କରାଯାଇଛି ବୋଲି ସୁନିଶ୍ଚିତ କରିବା ପାଇଁ ଅନେକ ଯତ୍ନ ନିଆଯାଇଛି । ସ୍ୱାସ୍ଥ୍ୟ ଶିକ୍ଷାବିଦମାନେ ସେମାନଙ୍କ ଶ୍ରେଣୀକକ୍ଷ ଏବଂ ପ୍ରକଳ୍ପରେ ସ୍ୱାସ୍ଥ୍ୟ ଶିକ୍ଷା କାର୍ଯ୍ୟକଳାପକୁ ସରଞ୍ଚିତ କରିବା ପାଇଁ, ତଥା ଆଲୋଚନା ଓ ଅନ୍ୟାନ୍ୟ କାର୍ଯ୍ୟକଳାପକୁ ତ୍ୱରାନ୍ୱିତ କରିବା ପାଇଁ ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ବ୍ୟବହାର କରିଥାନ୍ତି ।

ଉଦାହରଣ ସ୍ୱରୁପ, ଭଲ ଭାବେ ହାତ ଧୋ‍ଇବା ବିଷୟରେ ଏକ ବାର୍ତ୍ତାକୁ ଶିଖିବା ପରେ, ପିଲାମାନେ ପରସ୍ପର ତଥା ସେମାନଙ୍କ ପରିଜନଙ୍କୁ ପଚାରି ପାରନ୍ତି ‘ଆମ ପରିବାର ଓ ସମୂହର ଲୋକମାନେ ଭଲ ଭାବରେ ହାତ ଧୋ‍ଇବା ଏତେ କଠିନ ବୋଲି ମନେ କରିବାର କାରଣ କଣ ରହିଛି?’ ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ଶିଖିବାର ପ୍ରକୃତ ଉଦ୍ଦେଶ୍ୟ ହେଉଛି, ଶିଶୁମାନେ ଏହି ସମସ୍ୟାକୁ ନେଇ କଥାବାର୍ତ୍ତା ହେବେ ଏବଂ ସେମାନେ ମିଳିମିଶି କିପରି ଏହି ସମସ୍ୟାର ସମାଧାନ କରିବାର ନିଷ୍ପତ୍ତି ଗ୍ରହଣ କରିବା ଦ୍ୱାରା ସେମାନେ ପରିବର୍ତ୍ତନର ଜଣେ ଜଣେ ପ୍ରତିନିଧି ହୋଇପାରିବେ । ବାର୍ତ୍ତା ଆଲୋଚନା ଓ କାର୍ଯ୍ୟର ଏକ ପ୍ରବେଶ ପଥ ଭଳି ।

ପିତାମାତା କିମ୍ବା ଶିକ୍ଷକମାନେ ପିଲାମାନଙ୍କୁ ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ମନେ ରଖିବା ପାଇଁ କହିପାରିବେ । ଅଥବା, ବାର୍ତ୍ତାଗୁଡ଼ିକ ମନେ ରଖିବାରେ ସାହାଯ୍ୟ କରିବା ପାଇଁ, ପିଲାମାନେ ପ୍ରତିଟି ସ୍ୱସ୍ଥ୍ୟ ବାର୍ତ୍ତା ସହିତ ଏକ କ୍ରିୟା ସୃଷ୍ଟି କରି ପାରିବେ । ଯେଉଁ ପିଲାମାନେ ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ଶିଖିଛନ୍ତି ଏବଂ ଅନ୍ୟ ମାନଙ୍କ ସହିତ ଭାଗ କରିଛନ୍ତି ସେମନଙ୍କୁ ପୁରସ୍କୃତ କରିବା ପାଇଁ ଛୋଟ ଛୋଟ ଉପହାରର ବ୍ୟବହାର କରାଯାଇ ପାରେ । ଉଦାହରଣ ସ୍ୱରୁପ, ଗୋଟିଏ ରିବନ ବା ରଙ୍ଗିନ କପଡ଼ାର ଏକ ଖଣ୍ଡ ଉପହାର ଭାବରେ ଦିଆଯାଇ ପାରେ । ତାପରେ ପିଲାମାନେ ସେମାନେ ଶିଖିଥିବା ଏବଂ ଭାଗ କରିଥିବା ସ୍ୱାସ୍ଥ୍ୟ ବାର୍ତ୍ତାଗୁଡ଼ିକ ପ୍ରଦର୍ଶନ କରିବା ପାଇଁ ଗୋଟିଏ ବାଡ଼ିରେ ସେଗୁଡ଼ିକୁ ଗୁଡ଼ାଇ ଏକ ରଙ୍ଗିନ ଇନ୍ଦ୍ରଧନୂ ବାଡ଼ି ତିଆରି କରିବାର ମଜା ନେଇ ପାରିବେ ।

ଶିଶୁମାନେ ଶିଖିବା ଓ ଭାଗ କରିବା ପାଇଁ 100 ଟି ସ୍ୱସ୍ଥ୍ୟ ବାର୍ତ୍ତା ୟୁକେ’ର କେମ୍ବ୍ରିଜରେ ଅବସ୍ଥିତ ଏକ ଛୋଟ ଏନଜିଓ, ଚିଲରେନ ଫର ହେଲ୍‌ଥ ଦ୍ୱାରା ପ୍ରସ୍ତୁତ କରାଯାଇଛି । ଚିଲରେନ ଫର ହେଲ୍‌ଥ ସମଗ୍ର ବିଶ୍ୱରେ ସ୍ୱାସ୍ଥ୍ୟ ଶିକ୍ଷା ଅଂଶିଦାର ମାନଙ୍କ ସହିତ କାର୍ଯ୍ୟ କରିଥାଏ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି, ଏବଂ ଓବିଆର ହେଲ୍‍ଥ ୱେବସାଇଟ: orbhealth.com ରେ ମଧ୍ୟ ଉପଲବ୍ଧ ।

  1. ଶିଶୁମାନଙ୍କ ଯତ୍ନ ନେବା
  2. କାଶ, ଥଣ୍ଡା ଓ ଅସୁସ୍ଥତା
  3. ଟୀକାକରଣ
  4. ମେଲେରିୟା
  5. ଡାୟେରିୟା
  6. ଜଳ ଏବଂ ସ୍ୱାସ୍ଥ୍ୟବିଧାନ⇥
  7. ପୋଷଣ
  8. ଅନ୍ତ୍ର ପୋକ
  9. ଦୁର୍ଘଟଣା ଏବଂ ଆଘାତ ନିରାକରଣ
  10. ଏଚଆଇଭି ଓ ଏଡସ