100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 1 ର 10 ଟି ବାର୍ତ୍ତା ଦିଆଯାଇଛି: ଶିଶୁମାନଙ୍କ ଯତ୍ନ ନେବା

  1. ଶିଶୁ ଏବଂ ଛୋଟ ପିଲାମନଙ୍କ ସହିତ ଯେତେଟା ସମ୍ଭବ ଖେଳାଖେଳି କରନ୍ତୁ, କୋଳାନ୍ତୁ, କଥା ହୁଅନ୍ତୁ, ହସନ୍ତୁ ଓ ଗୀତ ଗାଆନ୍ତୁ ।
  2. ଶିଶୁ ଏବଂ ଛୋଟ ପିଲାମାନେ ସହଜରେ ରାଗି ଯାଆନ୍ତି, ଭୟଭୀତ ହୋଇଯାନ୍ତି ଓ ଲୁହ ଗଡାଇଥାନ୍ତି, ଏବଂ ସେମାନଙ୍କ ଭାବ ପ୍ରକାଶ କରିପାରନ୍ତି ନାହିଁ । ସର୍ବଦା ସଦୟ ହୁଅନ୍ତୁ ।
  3. ଛୋଟ ଶିଶୁମାନେ ଶିଘ୍ର ଶିଖିଥାନ୍ତି: କିପରି ଚାଲିବା, ଶବ୍ଦ କରିବା, ଖାଇବା ଓ ପିଇବା ଆଦି । ସେମାନଙ୍କୁ ସାହାଯ୍ୟ କରନ୍ତୁ ମାତ୍ର ସେମାନଙ୍କୁ ନିରାପଦ ତ୍ରୁଟି ମଧ୍ୟ କରିବାକୁ ଦିଅନ୍ତୁ!
  4. ସମସ୍ତ ଝିଅ ଏବଂ ପୁଅ ପରସ୍ପର ଭଳି ଗୁରୁତ୍ୱପୂର୍ଣ୍ଣ ଅଟନ୍ତି । ସମସ୍ତଙ୍କୁ ଉତ୍ତମ ବ୍ୟବହାର କରନ୍ତୁ, ବିଶେଷ କରି ସେହି ପିଲାମାଙ୍କୁ ଯେଉଁ ମାନେ ଅସୁସ୍ଥ ବା ଯେଉଁମାନଙ୍କର ଶାରୀରିକ ଅକ୍ଷମତା ରହିଛି ।
  5. ଛୋଟ ପିଲାମାନେ ତାଙ୍କ ଚାରିପାଖରେ ଥିବା ଲୋକଙ୍କ କାର୍ଯ୍ୟର ନକଲ କରିଥାନ୍ତି । ନିଜକୁ ଠିକ ରଖନ୍ତୁ, ସେମାନଙ୍କ ପାଖରେ ଭଲ ଆଚରଣ କରନ୍ତୁ ଏବଂ ସେମାନଙ୍କୁ ଭଲ ରାସ୍ତା ଦେଖାନ୍ତୁ ।
  6. ଯେତେବେଳେ ଛୋଟ ପିଲାମାନେ କାନ୍ଦନ୍ତି, ତାହାର କୌଣସି କାରଣ ଅଛି (କ୍ଷ୍ୟୁଧା, ଭୟ, ବେଦନା). କାହିଁକି ଜାଣିବା ପାଇଁ ଚେଷ୍ଟା କରନ୍ତୁ ।
  7. ସଂଖ୍ୟା ଓ ଶବ୍ଦର ଖେଳ, ରଙ୍ଗ କରିବା ଓ ଚିତ୍ର ଆଙ୍କିବା ଦ୍ୱାରା, ଛୋଟ ପିଲାମାନଙ୍କୁ ସ୍କୁଲରେ ଶିଖିବା ପାଇଁ ପ୍ରସ୍ତୁତ ହେବାରେ ସାହାଯ୍ୟ କରନ୍ତୁ । ସେମାନଙ୍କ ପାଇଁ ଗୀତ ଗାଆନ୍ତୁ, ନାଚନ୍ତୁ ଓ କାହାଣୀ ଶୁଣାନ୍ତୁ ।
  8. ଏକ ସମୂହମଧ୍ୟରେ, ନନଜାତକ ମାନେ ହାମ୍ବୁଡିବା ଏବଂ ସେମାନେ ଶବ୍ଦ କରିବା, ଚାଲିବା, କଥା ହେବା ପରି ଗୁରୁତ୍ୱପୂର୍ଣ୍ଣ ’ପ୍ରଥମ କାମ’ ଗୁଡ଼ିକ କିପରି କରୁଛନ୍ତି, ତାହା ଅନୁଧ୍ୟାନ କରନ୍ତୁ ଏବଂ ଗୋଟିଏ ନୋଟବୁକରେ ରେକର୍ଡ କରନ୍ତୁ ।
  9. ପ୍ରାପ୍ତ ବୟସ୍କ ଯତ୍ନ ପ୍ରଦାନକାରୀ ଓ ବଡ଼ ପିଲାମାନଙ୍କୁ ରୋଗ ପ୍ରତିରୋଧ କରିବାରେ ସାହାଯ୍ୟ କରନ୍ତୁ, ଦେଖନ୍ତୁ ଯେ ଶିଶୁ ଏବଂ ଛୋଟ ପିଲାମାନେ ପରିସ୍କାର ଅଛନ୍ତି (ବିଶେଷ କରି ହାତ ଓ ମୁହଁ), ପରିସ୍କାର ପାଣି ପିଉଛନ୍ତି ଏବଂ ଯଥେଷ୍ଟ ପରିମାଣରେ ଭଲ ଖାଦ୍ୟ ଖାଉଛନ୍ତି ।
  10. ଶିଶୁ ଓ ଛୋଟ ପିଲାମାନଙ୍କୁ ଭଲ ପାଇବା ଦିଅନ୍ତୁ କିନ୍ତୁ ନିଜକୁ ଭୁଲନ୍ତୁ ନାହିଁ । ଆପଣ ମଧ୍ୟ ଗୁରୁତ୍ୱପୂର୍ଣ୍ଣ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ଶିଶୁମାନଙ୍କ ଯତ୍ନ ନେବା: ପିଲାମାନେ କଣ କରି ପାରିବେ?

  • ଆମ ନିଜ ଶବ୍ଦ ଏବଂ ଆମ ନିଜ ଭାଷାରେ ଶିଶୁମାନଙ୍କ ଯତ୍ନ ନେବାରେ ଆମ ନିଜ ପାଇଁ ବାର୍ତ୍ତା ତିଆରି କରନ୍ତୁ!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଓ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ’ପୁଅପିଲା’ ଓ ’ଝିଅପିଲା’ ମାନଙ୍କୁ ଅଲଗା ଦଳରେ ଭାଗ କରନ୍ତୁ; ପୁଅମାନଙ୍କୁ ’ଝିଅମାନଙ୍କ ଖେଳ’ ଏବଂ ଝିଅମାନଙ୍କୁ ’ପୁଅମାନଙ୍କ ଖେଳ’ ଖେଳିବାକୁ ଦିଅନ୍ତୁ । ତାପରେ, ଉଭୟ ଦଳକୁ ଖେଳ ବିଷୟରେ ଆଲୋଚନା କରିବାକୁ ଦିଅନ୍ତୁ । ଉଦାହରଣ ସ୍ୱରୁପ, ତୁମେ ଖେଳଟିକୁ ପୁଅମାନଙ୍କର ବା ଝିଅମାନଙ୍କ ଖେଳ ବୋଲି କୁହାଯିବାରେ ଏକମତ କି? କାହିଁକି ହଁ ବା କାହିଁକି ନୁହେଁ?
  • ଘରେ ବା ସ୍କୁଲରେ ’ଭଲ’ ବା ’ଖରାପ’ ଆଚରଣ ଏବଂ କାହିଁ କି ସେଗୁଡ଼ିକୁ ଏପରି ବ୍ୟାଖ୍ୟା କରାଯାଇଛି ଆଲୋଚନା କରନ୍ତୁ ।
  • ଆମେ ଏହି ବିଷୟରେ କଣ ଜାଣିଛୁ ତାହା ଅନ୍ୟମାନଙ୍କୁ ଦେଖାଇବା ପାଇଁ ପୋଷ୍ଟର ତିଆରି କରନ୍ତୁ ।
  • ଘରେ, ସ୍କୁଲରେ ବା ଗୋଷ୍ଠି ସମୁଦାୟରେ ଖେଳଣା ତିଆରି ପ୍ରତିଯୋଗୀତାର ଆୟୋଜନ କରନ୍ତୁ ଯେପରିକି ମୋବାଇଲ, ଝୁମଝୁମି, ବିଲ୍ଡିଂ ବ୍ଲକ, କଣ୍ଢେଇ, ଜୀବଜନ୍ତୁ ଏବଂ ଛବି ବହି ଇତ୍ୟାଦି ।
  • ରୋଗ ପ୍ରତିରୋଧ କରିବାର ସହଜ ପଦକ୍ଷେପଗୁଡ଼ିକ ପ୍ରଦର୍ଶିତ କରିବା ପାଇଁ ଚିତ୍ରାଙ୍କନ ବା ପୋଷ୍ଟର ପ୍ରସ୍ତୁତ କରନ୍ତୁ ଯେପରିକି ସାବୁନରେ ହାତ ଧୋ‍ଇବା, ଟିକାକରଣ, ଏବଂ ଏକ ସୁଷମ ଖାଦ୍ୟ ଖାଇବା ।
  • ଛୋଟ ପିଲାମାନଙ୍କ ସହିତ ଯତ୍ନକାରୀ ଖେଳୁଥିବାର ଏକ କ୍ଷୁଦ୍ର ନାଟକ ପ୍ରସ୍ତୁତ କରନ୍ତୁ । ଦୁଇଜଣ ମା’ଙ୍କ ମଧ୍ୟରେ ସଂଳାପର ଆଦାନପ୍ରଦାନକୁ ସେମାନେ ଖେଳି ପାରିବେ; ସେମାନଙ୍କ ମଧ୍ୟରୁ ଜଣେ ବିଶ୍ୱାସ କରନ୍ତି ଯେ ଛୋଟ ପିଲାମାନେ ଚୁପ ରହିବା ଉଚିତ ଏବଂ ଅନ୍ୟ ଜଣେ ବିଶ୍ୱାସ କରନ୍ତି ଯେ ମଜା କରିବା କରିବା ଉଚିତ । ଗୋଟିଏ ଆବେଗ/ଅନୁଭୁତିକୁ ମୂକାଭିନୟ /ଅଭିନୟକୁ କେବଳ ଅଙ୍ଗଭଙ୍ଗୀ ଓ ମୌଖିକ ଅଭିବ୍ୟକ୍ତି ଦ୍ୱାରା ଅଭିନୟ କରନ୍ତୁ । ଅନ୍ୟାନ୍ୟ ପିଲାମାନେ ଅନୁଭୁତି ବା ଆବେଗ କଣ ତାହା ଅନୁମାନ କରନ୍ତି ।
  • ପିତାମାତା ଓ ଜେଜେଙ୍କୁ ପଚାରନ୍ତୁ କାହିଁକି ଓ କଣ ଶିଶୁଟିକୁ କନ୍ଦାଏ ବା ହସାଏ ଏବଂ ସେମାନେ କଣ ଖୋଜି ପାଇଲେ ତାହା ଶ୍ରେଣୀରେ ଭାଗ କରନ୍ତୁ ।
  • ଗୋଟିଏ ଶ୍ରେଣୀ ବା ଦଳ ସ୍ଥାନୀୟ ଗୋଷ୍ଠି ମଧ୍ୟରୁ ଗୋଟିଏ ଶିଶୁକୁ ପୋଷ୍ୟ ଗ୍ରହଣ କରିପାରିବେ । ଶିଶୁଟି କିପରି ବଢ଼ୁଛି ତାହା ଜାଣିବା ପାଇଁ ମା ମାସକୁ ଥରେ ଦଳର ପରିଦର୍ଶନ କରିଥାନ୍ତି ।
  • ପରିସ୍କାର ରହିବା ଓ ସୁରକ୍ଷିତ ପାଣି ପିଇବା ପରି ରୋଗ ପ୍ରତିରୋଧ କରିବାର ସହଜ ପଦକ୍ଷେପଗୁଡ଼ିକ ବର୍ଣ୍ଣନା କରିବା ପାଇଁ ଗୋଟିଏ ଗୀତ ତିଆରି କର ଏବଂ ଘରେ ଛୋଟ ଭାଇ ଭ‍ଉଣୀକୁ ଗାଇ ଶୁଣାଅ ।
  • ବଡ଼ ପିଲାମାନେ ତାଙ୍କ ବାପାମାଙ୍କ ସାକ୍ଷାତକାର ନିଅନ୍ତୁ ଏବଂ ପଚାରନ୍ତୁ ସେମାନଙ୍କ ଶିଶୁ ଏବଂ ଛୋଟ ପିଲାମାନଙ୍କ ଯତ୍ନ ନେଲାବେଳେ କଣ ସବୁଠାରୁ କଠିନ ହୋଇଥିଲା ଏବଂ କଣ ସେମାନଙ୍କୁ ସବୁଠାରୁ ଅଧିକ ସାହାଯ୍ୟ କରିଥିଲା ।
  • କିପରି ଗୋଟିଏ ଶିଶୁର ମସ୍ତିସ୍କର ବିକାଶ ଘଟେ ତୁମକୁ କହିବା ପାଇଁ ଜଣେ ସ୍ୱାସ୍ଥ୍ୟ କର୍ମୀ ବା ଜଣେ ବିଜ୍ଞାନ ଶିକ୍ଷକଙ୍କୁ ପଚାରନ୍ତୁ ।
  • ବଡ଼ ପିଲାମାନେ ତାଙ୍କ ଗୋଷ୍ଠିରେ ବୟସ୍କମାନଙ୍କୁ କହିପାରନ୍ତି ସେମାନଙ୍କୁ ଗୀତ, ଗପ ଏବଂ ଖେଳସବୁ ଶିଖାଇବା ପାଇଁ, ଏବଂ ଶିଶୁମାନଙ୍କୁ ଓ ଛୋଟ ପିଲାମାନଙ୍କୁ ଗୀତ ଗାଇ ଶୁଣାଇବାକୁ ।
  • ପିଲାମାନେ ପ୍ରାପ୍ତବୟସ୍କମାନଙ୍କୁ ପଚାରି ପାରନ୍ତି ତାଙ୍କ ମତରେ କଣ କରାଯିବା ଗୁରୁତ୍ୱପୂର୍ଣ୍ଣ ଅଟେ ଯାହାଦ୍ୱାରା ଶିଶୁମାନଙ୍କୁ ରୋଗ ଆକ୍ରମଣ୍ରୁ ପ୍ରତିହତ କରାଯାଇ ପାରିବ ।

ଅଧିକ ତଥ୍ୟ ପାଇଁ ଦୟାକରି www.childrenforhealth.org ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home