100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 10ର 10 ଟି ବାର୍ତ୍ତା ଦିଆଯାଇଛି: ଏଚଆଇଭି ଓ ଏଡସ

  1. ଆମର ଶରୀର ଆଶ୍ଚର୍ଯ୍ୟଜନକ ଅଟେ, ଏବଂ ପ୍ରତି ଦିନ ଏହା ଆମକୁ ଆମେ ନିଶ୍ଵାସ, ଖାଦ୍ୟ, ପାନୀୟ, କିମ୍ବା ସ୍ପର୍ଶରେ ନେଉଥିବା ଜୀବାଣୁ ମାନଙ୍କଠାରୁ ବିଶେଷ ବାଟରେ ସୁରକ୍ଷିତ ରଖିଥାଏ ।
  2. ଏଚଆଇଭି ଏକ ଜୀବାଣୁ ଅଟେ ଯାହାକୁ ଭାଇରସ କୁହାଯାଏ (V ଅର୍ଥ ଭାଇରସ) । ଏହା ଏକ ବିଶେଷ ଭାବେ ବିପଦ ପୂର୍ଣ୍ଣ ଭାଇରସ ଯାହା ଅନ୍ୟାନ୍ୟ ଜୀବାଣୁ ଠାରୁ ଶରୀର କରୁଥିବା ନିଜ ରକ୍ଷାକୁ ଏହା ବନ୍ଦ କରି ଦେଇଥାଏ ।
  3. ଏଚଆଇଭି ବିପଦପୂର୍ଣ୍ଣ ହେବାକୁ ବନ୍ଦ କରିବା ପାଇଁ ବୈଜ୍ଞାନିକ ମାନେ ଔଷଧ ବାହାର କରିଛନ୍ତି କିନ୍ତୁ ଶରୀରରୁ ଏହାକୁ ସଂପୂର୍ଣ୍ଣ ରୂପେ ବାହାର କରି ଦେବା ପାଇଁ କେହି କୌଣସି ପ୍ରକାର ଉପାୟ ବାହାର କରି ପାରି ନାହାନ୍ତି ।
  4. ସମୟ ଚାଲିଗଲା ପରେ ଏବଂ ବିନା ଔଷଧରେ ଏଚଆଇଭି ଥିବା ଲୋକମାନଙ୍କର ଏଇଡ୍ସ ହୋଇଥାଏ । ଏଇଡ୍ସ ଏକ ଗମ୍ଭୀର ରୋଗର ସମୂହ ଯାହା ଶରୀରକୁ ଦୁର୍ବଳରୁ ଦୁର୍ବଳ କରିଥାଏ ।
  5. ଏଚଆଇଭି ଦୃଶ୍ୟମାନ ନୁହେଁ ଏବଂ ଯୌନ କ୍ରିୟା ବେଳେ ଏହା ରକ୍ତ ଏବଂ ଶିରୀରର ଅନ୍ୟାନ୍ୟ ତରଳରେ ରହିଯାଏ । ଏଚଆଇଭି ସଞ୍ଚାରଣ ହୋଇଥାଏ (1) ଯୌନ କ୍ରିୟା ବେଳେ, (2) ସଂକ୍ରମିତ ମା’ଠାରୁ ଶିଶୁକୁ ଏବଂ (3) ରକ୍ତରେ ।
  6. ଯୌନ କ୍ରିୟାରୁ ଏଚଆଇଭି ସଂକ୍ରମଣରୁ ନିଜକୁ ସୁରକ୍ଷିତ ରଖିବା ପାଇଁ ଲୋକମାନେ (1) ଯୌନ କ୍ରିୟା କରି ନଥାନ୍ତି, (2) ଏକ ବିଶ୍ଵାସଯୋଗ୍ୟ ସମ୍ପର୍କରେ ରହିଥିବା କିମ୍ବା (3) କଣ୍ଡମ ବ୍ୟବହାର କରି ଯୌନ କ୍ରିୟା କରିଥାନ୍ତି (ସୁରକ୍ଷିତ ଯୌନ କ୍ରିୟା) ।
  7. ଏଚଆଇଭି ଏବଂ ଏଇଡ୍ସ ଥିବା ବ୍ୟକ୍ତିଙ୍କ ସହ ଆପଣ ଖେଳିବା, ଖାଦ୍ୟ ଭାଗ କରିବା, ହାତ ଧରିବା ଏବଂ ଆଲିଙ୍ଗନ କରି ପାରିବେ । ଏସବୁ କାର୍ଯ୍ୟ ନିରାପଦ ଏବଂ ଆପଣ ଏହି ବାଟରେ ଭାଇରସ ପାଇବେ ନାହିଁ ।
  8. ଏଚଆଇଭି ଏବଂ ଏଇଡ୍ସ ଥିବା ବ୍ୟକ୍ତି ବେଳେ ବେଳେ ଭୟଭୀତ ଏବଂ ଦୁଖ ଅନୁଭବ କରି ଥାନ୍ତି । ଅନ୍ୟ ମାନଙ୍କ ଭଳି ସେମାନେ ସ୍ନେହ ଏବଂ ସହାୟତା ଚାହିଁଥାନ୍ତି, ଏବଂ ସେମାନଙ୍କର ପରିବାର ବି ଏହା ଚାହିଁଥାନ୍ତି । ସେମାନେ ସେମାନଙ୍କର ଦୁଶ୍ଚିନ୍ତା ବିଷୟରେ କଥାବାର୍ତ୍ତା କରିବା ଦରକାର ।
  9. ନିଜକୁ ଏବଂ ଅନ୍ୟମାନଙ୍କୁ ସାହାଯ୍ୟ କରିବା ପାଇଁ, ଯେଉଁ ଲୋକମାନେ ସେମାନଙ୍କୁ ଏଚଆଇଭି କିମ୍ବା ଏଇଡ୍ସ ହୋଇଛି ବୋଲି ଭାବୁଛନ୍ତି ସେମାନେ କୌଣସି କ୍ଲିନିକ କିମ୍ବା ହସ୍ପିଟାଲ ଯାଇ ପରୀକ୍ଷଣ ଏବଂ ପରାମର୍ଶ କରି ଦେବା ଦରକାର ।
  10. ଅଧିକାଂଶ ଦେଶରେ ଏଚଆଇଭି ପଜିଟିଭ ଲୋକମାନେ ସାହାଯ୍ୟ ଏବଂ ଚିକିତ୍ସା ପାଇଥାନ୍ତି । ଏଣ୍ଟିରେଟ୍ରୋଭାଇରଲ ଥିରାପି (ଏଆରଟି) ସେମାନଙ୍କୁ ଲମ୍ବା ଜୀବନ ଜିଇଁବାରେ ସାହାଯ୍ୟ କରିଥାଏ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ଏଚଆଇଭି ଏବଂ ଏଇଡ୍ସ: ପିଲାମାନେ କଣ କରି ପାରିବେ?

  • ଆମ ନିଜ ଭାଷାରେ ଆମ ନିଜ ଶବ୍ଦ ବ୍ୟବହାର କରି ଆମର ନିଜ ପାଇଁ ଏଚଆଇଭି ଏବଂ ଏଇଡ୍ସ ଉପରେ ବାର୍ତ୍ତା ତିଆରି କରନ୍ତୁ!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଏବଂ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ ।
  • ଏଚଆଇଭି ଏବଂ ଏଇଡ୍ସ ଉପରେ ଲିଫଲେଟ ଏବଂ ତଥ୍ୟ ସଂଗ୍ରହ କରନ୍ତୁ ଏବଂ ସେ ସବୁକୁ ଆମ ସମୁଦାୟଙ୍କ ସହ ଭାଗ କରନ୍ତୁ ।
  • ଏଚଆଇଭି ଏବଂ ଏଇଡ୍ସ ଉପରେ ଆମ ପ୍ରଶ୍ନର ଉତ୍ତର ଦେବା ପାଇଁ ଜଣେ ସ୍ୱସ୍ଥ୍ୟ କର୍ମୀଙ୍କୁ ଆମ ସ୍କୁଲକୁ ନିମନ୍ତ୍ରଣ କରନ୍ତୁ ।
  • ଏଇଡ୍ସରେ ଆକ୍ରାନ୍ତ ଆମ ସମୁଦାୟର ଯେକୌଣସି ପିଲାକୁ ସାହାଯ୍ୟ କରିବା ପାଇଁ ଉପାୟ ବାହାର କରନ୍ତୁ ।
  • ଜୀବନରେଖା ଖେଳ ଖେଳନ୍ତୁ ଏବଂ ଆମକୁ ଏଚଆଇଭି ସହ ସମ୍ପର୍କ କରାଇ ପାରିବା ବିପଜ୍ଜନକ ବ୍ୟବହାର ବିଷୟଗୁଡିକୁ ଖୋଜି ବାହାର କରନ୍ତୁ ।
  • ବିଭିନ୍ନ ବାଟରେ ବ୍ୟକ୍ତିଠୁ ବ୍ୟକ୍ତିକୁ ଡେଉଁଥିବା ଏଚଆଇଭି ବିଷୟରେ ଏକ ଠିକ ଭୁଲ ଖେଳ ତିଆରି କରି ଖେଳନ୍ତୁ । ସାହାଯ୍ୟ କରିବା ପାଇଁ ଶେଷରେ ବ୍ୟବହାର କରନ୍ତୁ ପଚାରନ୍ତୁ ପ୍ରଶ୍ନ ।
  • ବିଶେଷ ବନ୍ଧୁତ୍ଵ ଏବଂ ଆମର ଯୌନ ଭାବନା ବିଷୟରେ କଥାବାର୍ତ୍ତା ହେବାରେ ସାହାଯ୍ୟ କରିବା ପାଇଁ ଜୀବନ କୌଶଳ ଶିକ୍ଷା କରନ୍ତୁ ।
  • ଆଶାର ଚଞ୍ଚଳତା ଖେଳ ଖେଳନ୍ତୁ ଏବଂ ଖୋଜି ବାହାର କରନ୍ତୁ ଆମର ବିଶେଷ ବନ୍ଧୁତ୍ଵରେ ଆମ ନିଜକୁ ଏଚଆଇଭି’ରୁ ସୁରକ୍ଷିତ ରଖିବା ପାଇଁ କେଉଁ ସବୁ ନିରାପଦ ବ୍ୟବହାର ବାଛି ପାରିବା ।
  • ଏଚଆଇଭି କିମ୍ବା ଏଇଡ୍ସ ଥିବା ବ୍ୟକ୍ତି ସାମନା କରୁଥିବା ସମସ୍ତ କଠିନତା ଏବଂ ଆମେ ତାଙ୍କୁ କିପରି ସାହାଯ୍ୟ କରିପାରିବା ବିଷୟରେ ଭାବନ୍ତୁ ।
  • ଏଚଆଇଭି ହୋଇଥିବା ରୋଲ ପ୍ଲେ କରନ୍ତୁ ଏବଂ ଏଚଆଇଭି ଥିବା ବ୍ୟକ୍ତି କିପରି ହୋଇଥାଏ ତାହା ଜାଣନ୍ତୁ ।
  • ଏଚଆଇଭି’ରେ ବଞ୍ଚିଥିବା ବ୍ୟକ୍ତି ଏବଂ ସେମାନେ ସାମନା କରୁଥିବା ସମସ୍ୟା ବିଷୟରେ ଶୁଣନ୍ତୁ ଏବଂ ସେ କାହାଣୀ ସବୁ ଆଲୋଚନା କରନ୍ତୁ ।
  • ଏଚଆଇଭି ଏବଂ ଏଇଡ୍ସ ବିଷୟରେ ଆମେ କେତେ ଜାଣିଛୁ ଜାଣିବା ପାଇଁ ଏକ କୁଇଜ ତିଆରି କରନ୍ତୁ ।
  • ଏଚଆଇଭି ଏବଂ ଏଇଡ୍ସ ଉପରେ ଆମ ପ୍ରଶ୍ନ ସବୁ ପାଇଁ ଆମ କ୍ଲାସରେ ଏକ ପ୍ରଶ୍ନ ପେଢି ଆରମ୍ଭ କରନ୍ତୁ ।
  • ଏଚଆଇଭି ଏବଂ ଏଇଡ୍ସ ବିଷୟରେ ଆମ ସ୍କୁଲପାଇଁ ଏକ ପୋଷ୍ଟର କରନ୍ତୁ ।
  • ମିନା ନାମକ ଏକ ଝିଅ କିମ୍ବା ରାଜୀବ ନାମକ ଏକ ପୁଅ ଏବଂ ଏଚଆଇଭି ଥିବା ତାଙ୍କର ମା’ ଏବଂ ମିନା ତା’ର ମା’ଙ୍କୁ ଏଆରଟି (ଏଣ୍ଟି-ରେଟ୍ରୋଭାଇରଲ) ଔଷଧ ନେବା ପାଇଁ କ୍ଲିନିକ ଯିବା ପାଇଁ କିପରି ପ୍ରବାର୍ତ୍ତାଉଛି ବିଷୟରେ ଏକ ନାଟକ ତିଆରି କରନ୍ତୁ ।
  • ଆମ ସ୍କୁଲ ଏବଂ ଆମ ପରିବାରରେ ସଚେତନତା ବଢେଇବା ପାଇଁ ଏକ ଏଚଆଇଭି ଏବଂ ଏଇଡ୍ସ କ୍ଲବ ଆରମ୍ଭ କରନ୍ତୁ ।
  • ପଚାରନ୍ତୁ ଆମ ପ୍ରତିରୋଧକ ପ୍ରଣାଳୀ କିପରି କାମ କରୁଛି ? ଆମ ପ୍ରତିରୋଧକ ପ୍ରଣାଳୀକୁ କାର୍ଯ୍ୟ କରିବା ପାଇଁ ମଜବୁତ ଏବଂ ପ୍ରସ୍ତୁତ ରଖିବା ପାଇଁ କେଉଁ ଖାଦ୍ୟ ସାହାଯ୍ୟ କରିଥାଏ? ଏଚଆଇଭି କଣ ଏବଂ ଏଇଡ୍ସ କଣ? ଏହି ଅକ୍ଷର ଗୁଡିକ କଣ ପାଇଁ ଛିଡା ହୋଇଛନ୍ତି? ଏଚଆଇଭି ହୋଇଛି ବୋଲି ଜାଣିବା ପରେ ଜଣଙ୍କର କଣ ହୋଇଥାଏ? ଏଇଡ୍ସ ହୋଇଛି ବୋଲି ଜାଣିବା ପରେ ଜଣଙ୍କର କଣ ହୋଇଥାଏ? ବ୍ୟକ୍ତିଠୁ ବ୍ୟକ୍ତିକୁ ଏଚଆଇଭି କିପରି ଡେଉଁଥାଏ? ଏହା କିପରି ହୋଇନଥାଏ? ଏହା ବିରୁଦ୍ଧରେ ଆମେ ନିଜକୁ କିପରି ସୁରକ୍ଷିତ ରଖିପାରିବା? ଏଚଆଇଭି ପାଇଁ ଲୋକମାନେ କିପରି ପରୀକ୍ଷିତ ଏବଂ ଚିକିତ୍ସିତ ହୋଇଥାନ୍ତି? ମା’ଠାରୁ ସେମାନଙ୍କ ଶିଶୁ ପାଖକୁ ଏଚଆଇଭି ସଂକ୍ରମିତ ହେବା ବିପଦକୁ ଔଷଧ କିପରି ହ୍ରାସ କରିବାରେ ସାହାଯ୍ୟ କରି ପାରେ? ଏଆରଟି (ଏଣ୍ଟି-ରେଟ୍ରୋଭାଇରଲ) କିପରି କାମ କରିଥାଏ ଏବଂ ଜଣେ କେତେ ବେଳେ ଏହା ସେବନ କରିବା ଉଚିତ? ଆମର ବନ୍ଧୁତା କେତେ ବେଳେ ଏବଂ କିପରି ଯୌନ ସମ୍ପର୍କରେ ବଦଳି ଯାଇଥାଏ? ଜଣେ କିପରି ସଠିକ ଭାବେ କଣ୍ଡମ ବ୍ୟବହାର କରିଥାଏ? (ପୁରୁଷ/ସ୍ତ୍ରୀ) ଏଚଆଇଭି’ରେ ବଞ୍ଚିଥିବା ଆମର ସାଙ୍ଗସାଥି ଏବଂ ପରିବାର ଲୋକଙ୍କୁ ସୁସ୍ଥ ଏବଂ ଭଲ ରଖିବା ପାଇଁ ସର୍ବୋତ୍ତମ ସହାୟତାର ବାଟ କଣ? ଏଚଆଇଭି ଏବଂ ଏଇଡ୍ସ ଥିବା ବ୍ୟକ୍ତିଙ୍କୁ ସାହାଯ୍ୟ କରିବା ପାଇଁ ନିକଟତମ କ୍ଲିନିକ କେଉଁଠି ଅଛି?

ଜୀବନରେଖା ଖେଳ କିମ୍ବାଆଶାର ଚଞ୍ଚଳତା ଖେଳ କିମ୍ବା ଠିକ କିମ୍ବା ଭୁଲ ଖେଳର ଏକ ଉଦାହରଣ କିମ୍ବା ଅନ୍ୟ କୌଣସି ତଥ୍ୟ ଉପରେ ଅଧିକ ନିର୍ଦ୍ଧିଷ୍ଟ ତଥ୍ୟ ପାଇଁ ଦୟାକରି www.childrenforhealth.org ବା clare@childrenforhealth.orgରେ ସମ୍ପର୍କ କରନ୍ତୁ ।

ଓଡ଼ିଆ Home