100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 3 ର 10 ଟି ବାର୍ତ୍ତା ଦିଆଯାଇଛି: ଟୀକାକରଣ

  1. ସମଗ୍ର ବିଶ୍ୱରେ ଲକ୍ଷାଧିକ ପିତାମାତା ପ୍ରତି ବର୍ଷ ସେମାନଙ୍କ ପିଲାମାନେ ଶକ୍ତିଶାଳୀ ଭାବେ ବଢ଼ି ଉଠିବା ଏବଂ ରୋଗ ଠାରୁ ସୁରକ୍ଷିତ ରହିବା ପାଇଁ ଟୀକାକରଣ ପାଇଁ ନେଇଥାଆନ୍ତି ।
  2. ଯେତେବେଳେ ତୁମେ ଏକ ସଂକ୍ରାମକ ରୋଗ ଦ୍ୱାରା ଅସୁଅସ୍ଥ ହୋ‍ଇପଡ଼, ସେତେବେଳେ ଏକ ଅତି କ୍ଷୁଦ୍ର, ଜୀବାଣୁ ତୁମ ଶରିରରେ ପ୍ରବେଶ କରିଥାଏ । ଏହି ଜୀବାଣୁ ଆହୁରି ଅଧିକ ଜୀବାଣୁ ଶୃଷ୍ଟି କରେ ଏବଂ ଶରୀର ଠିକ ଭାବେ କାର୍ଯ୍ୟ କରିବାକୁ ବନ୍ଦ କରିଦିଏ ।
  3. ଜୀବାଣୁ ସହିତ ଲଢ଼ିବା ପାଇଁ ତୁମ ଶରୀରରେ ଏକ ବିଶେଷ ସୈନିକ-ସଦୃଶ ରକ୍ଷକ ରହିଛି ଯାହାକୁ ଆଣ୍ଟିବଡ଼ି କୁହନ୍ତି । ଯେତେବେଳେ ଜୀବାଣୁଗୁଡ଼ିକ ମରିଯାଏ, ଆଣ୍ଟିବଡ଼ି ଶରୀର ମଧ୍ୟରେ ରହି ପୁଣି ଯୁଦ୍ଧ କରିବା ପାଇଁ ପ୍ରସ୍ତୁତ ଥାଏ ।
  4. ଟୀକାକରଣ ମାଧ୍ୟମରେ ତୁମ ଶରୀର ମଧ୍ୟକୁ ଆଣ୍ଟିଜେନକୁ ପ୍ରବେଶ କରାଯାଏ (ଇଞ୍ଜେକ୍ସନ ମାଧ୍ୟମରେ ବା ପାଟିରେ) । ରୋଗ ସହିତ ଲଢିବା ପାଇଁ ସେଗୁଡ଼ିକ ତୁମ ଶରୀରକୁ ସୈନିକ ପରି ଆଣ୍ଟିବଡ଼ି ତିଆରି କରିବା ପାଇଁ ଶିଖାଇଥାଏ ।
  5. ରୋଗ ବିରୁଦ୍ଧରେ ସୁରକ୍ଷା ପ୍ରଦାନ ପାଇଁ ଶରୀରରେ ଯଥେଷ୍ଟ ଏଣ୍ଟିବଡ଼ି ଗଢିତୋଳିବା ପାଇଁ କିଛି ଟୀକାକରଣ ଏକାଧିକ ବାର ଦେବାକୁ ପଡ଼ିଥାଏ ।
  6. ଭୟଙ୍କର ରୋଗ ଯାହା ମୃତ୍ୟୁ ଏବଂ ଯନ୍ତ୍ରଣାର କରଣ, ଯେପରିକି ମିଳିମିଳା, ଯକ୍ଷ୍ମା, ଡିପଥେରିୟା, ଦମା କାଶ, ପୋଲିଓ, ଟିଟାନସ(ଏବଂ ଆହୁରି ଅନେକ!), ଯାହାକୁ ଟୀକାକରଣ ମାଧ୍ୟମରେ ପ୍ରତିହତ କରାଯାଇପାରେ ।
  7. ତୁମ ଶରୀରକୁ ରକ୍ଷା କରିବା ପାଇଁ ରୋଗ ଆକ୍ରମଣ କରିବା ପୂର୍ବରୁ ଟୀକାକରଣ କରିବେନା ଉଚିତ ।
  8. ଶିଶୁମାମଙ୍କୁ ସୁରକ୍ଷିତ କରିବା ପାଇଁ ନବଜାତକମାନଙ୍କୁ ତୁରନ୍ତ ଟୀକା ଦିଆଯାଇଥାଏ । ଯଦି ଗୋଟିଏ ଶିଶୁ ତାର ସୁଯୋଗ ହରାଏ ତେବେ ତାକୁ ପରେ ମଧ୍ୟ ଟୀକା ଦିଆଯାଇପାରେ ।
  9. ବିଭିନ୍ନ ରୋଗ ପାଇଁ ବିଭିନ୍ନ ସମୟରେ ଟୀକାକରଣ କରାଯାଇପାରେ । ଆପଣଙ୍କ ଗୋଷ୍ଠି ପିଲାମାନଙ୍କୁ କେତେବେଳେ ଏବଂ କେଉଁଠି ଟୀକାକରଣ କରୁଛି ଖୋଜି ବାହାର କରନ୍ତୁ ।
  10. ଟୀକାକରଣ ଦିନ ଶିଶୁମାନେ ବା ଛୋଟ ପିଲାମାନେ ଯଦି ସାମାନ୍ୟ ଅସୁସ୍ଥ ରୁହନ୍ତି ତଥାପି ମଧ୍ୟ ସେମାନଙ୍କୁ ଟୀକା ଦିଆଯାଇପାରିବ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ଟୀକାକରଣ: ପିଲାମାନେ କଣ କରି ପାରିବେ?

  • ଆମ ନିଜ ଶବ୍ଦ ଏବଂ ଆମ ନିଜ ଭାଷାରେ ଆମ ନିଜ ଟୀକାକରଣ ଉପରେ ବାର୍ତ୍ତା ତିଆରି କରନ୍ତି!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଓ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ଟୀକାକରଣ ଦିନଗୁଡ଼ିକ ପାଇଁ ପୋଷ୍ଟର ତିଆରି କରନ୍ତୁ ଏବଂ ଯେଉଁଠି ସମସ୍ତେ ସେଗୁଡ଼ିକୁ ଦେଖିପାରିବେ ସେଠାରେ ପ୍ରଦର୍ଶିତ କରନ୍ତୁ ।
  • ଆମ ଗ୍ରାମର ପିଲାମାନଙ୍କୁ କ୍ଷତି କରୁଥିବା ପ୍ରାଣନାଶକାରୀ ସମସ୍ତ ରୋଗକୁ ଅଟକାଇବା ପାଇଁ ଏକ ନାଟକ ପ୍ରସ୍ତୁତ କରନ୍ତୁ ।
  • ମାରାତ୍ମକ ରୋଗ ଠାରୁ ଆମକୁ ସୁରକ୍ଷିତ କରିବା ପାଇଁ ଯୁଦ୍ଧ କରୁଥିବା ଟୀକାକରଣ ସୁପରହିରୋର ଚିତ୍ର ସହିତ ଏକ କାହାଣୀ ତିଆରି କରନ୍ତୁ ।
  • ଡିପଥେରିୟା, ମିଳିମିଳା ଏବଂ ରୁବେଲା, ପେର୍ଟୁସିସ, ଯକ୍ଷ୍ମା, ଟିଟାନସ ଏବଂ ପୋଲିଓ ପରି ଟୀକାକରଣ ମାଧ୍ୟମରେ ଗୋଟିଏ ବା ଏକାଧିକ ରୋଗ ଉପରେ ଏକ ପୋଷ୍ଟର ତିଆରି କରନ୍ତୁ ।
  • ଏଣ୍ଟିବଡି, ଏକ ନମ୍ର, ଏକ ଦୃଢ଼ ରକ୍ଷକ ଯିଏ ଆମକୁ ସୁରକ୍ଷିତ ଓ ସୁସ୍ଥ ରଖେ, ତା ଉପରେ ଏକ ନାଟକ ବା କାହାଣୀ ତିଆରି କରନ୍ତୁ ।
  • ପ୍ରତ୍ୟେକ ରୋଗ ବିଷୟରେ ଜାଣନ୍ତୁ ଏବଂ କଣ ଶିଖିଲେ ତାହା ଅନ୍ୟ ପିଲା ଓ ଆମ ପରିବାର ସହିତ ଭାଗ କରନ୍ତୁ ।
  • ଗୋଟିଏ ନବଜାତକ ଶିଶୁ ଓ ତା ମା ପାଇଁ ତାର ଟୀକାକରଣ ସମୟ ସହିତ ଏକ ବିଶେଷ ଜନ୍ମଦିନ କାର୍ଡ ତିଆରି କରି ସେମାନଙ୍କୁ ଜୀବନର ପ୍ରଥମ ବର୍ଷ ସୁସାସ୍ଥ୍ୟ ଓ ଆନନ୍ଦମୟ ହେବା ପାଇଁ ଅଭିନନ୍ଦନ ଜଣାନ୍ତୁ!
  • ଆହୁରି ଅନେକ ରୋଗ ସମ୍ପର୍କରେ ଜାଣନ୍ତୁ ଯାହା ବିରୁଦ୍ଧରେ ଟୀକାକରଣ ଆମକୁ ସୁରକ୍ଷା ପ୍ରଦାନ କରେ ।
  • ବିକଳାଙ୍କ ପିଲାମାନଙ୍କୁ ସାହାଯ୍ୟ କରିବା ବିଷୟରେ ଆହୁରି ଅଧିକ ଜାଣନ୍ତୁ ।
  • ଟୀକାକରଣ ବିଷୟରେ ଆମେ କେତେଟା ଜାଣିଛୁ ଜାଣିବା ପାଇଁ ଧନ୍ଧା ତିଆରି କରନ୍ତୁ ଓ ତାହାର ସାମନା କରନ୍ତୁ । ତାହାକୁ ସାଙ୍ଗମାନେ ଓ ପରିବାର ପରିଜନ ସହିତ ଭାଗ କରନ୍ତୁ ।
  • କେଉଁ ଟୀକାକରଣ ଆମକୁ ଏକାଧିକ ବାର ପ୍ରୟୋଜନ ହୁଏ ଜାଣନ୍ତୁ । ଏବଂ ଯେଉଁ ପିଲାମାନେ ଯୀକାକରଣରୁ ବଞ୍ଚିତ ହୋ‍ଇଛନ୍ତି ସେମାନଙ୍କୁ ଖୋଜି ବାହାର କରନ୍ତୁ ।
  • ରୋଗଗୁଡ଼ିକର ସୁପର ପାୱାର ବା ମୂଳ ଶକ୍ତି କଣ ଏବଂ ଟୀକାକରଣ ସେଗୁଡ଼ିକୁ କିପରି ପରାଜିତ କରେ ଜାଣନ୍ତୁ ।
  • ଆମ ଶ୍ରେଣୀର ସମସ୍ତେ ଏବଂ ଆମ ଶିକ୍ଷକମାନଙ୍କର ଟୀକାକରଣ ହୋ‍ଇଛି କି ନାହିଁ ଯାଞ୍ଚ କରନ୍ତୁ ।
  • ବିଶେଷ ଟୀକାକରଣ ଇଭେଣ୍ଟଗୁଡ଼ିକ ବା ଦିନଗୁଡ଼ିକ ଏବଂ ସ୍ୱାସ୍ଥ୍ୟ ସପ୍ତାହ କେବେ ରହିଛି ଜାଣନ୍ତୁ ଯେତେବେଳେ ସମସ୍ତ ପିଲା ଓ ଶିଶୁମାନେ ଟୀକାକରଣ ପାଇଁ ଯାଇପାରିବେ ।
  • ଆମ ପରିବାରରେ କେହି ଟୀକାକରଣ କରିବାରୁ ବଞ୍ଚିତ ରହିଯାଇଛନ୍ତି କି ନାହିଁ ଜାଣନ୍ତୁ ଯାହା ଦ୍ୱାରା ସେମାନେ ତାହା ହେଇ ପାରିବେ ।
  • ଆମ ଦେଶରେ ଟୀକାକରଣ ସମ୍ପର୍କରେ ଏବଂ କେତେବେଳେ ଆମେ ଟୀକା ନେଇପାରିବୁ ତାହା ପଚାରନ୍ତୁ ।
  • ଆମ ପାରିବାରରେ କାହାର କୌଣସି ପ୍ରାଣନାଶକାରୀ ହୋ‍ଇଥିଲା କି ନାହିଁ ଏବଂ ସେମାନଙ୍କର କଣ ଘଟିଥିଲା ଜାଣନ୍ତୁ ।

ଅଧିକ ତଥ୍ୟ ପାଇଁ ଦୟାକରି www.childrenforhealth.org ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home