100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 4 ର 10 ଟି ବାର୍ତ୍ତା ଦିଆଯାଇଛି: ମେଲେରିୟା

  1. ମେଲେରିୟା ଏକ ରୋଗ ଯାହା ବ୍ୟାପିଥାଏ ସଂକ୍ରମିତ ମଶା କାମୁଡ଼ିବା ଦ୍ୱାରା ।
  2. ମେଲେରିୟା ହେଉଛି ବିପଜ୍ଜନକ । ଏହା ଜ୍ୱରର କାରଣ ହୁଏ ଏବଂ ମୃତ୍ୟୁ ମଧ୍ୟ ହୋ‍ଇପାରେ, ବିଶେଷ କରି ଶିଶୁ ଓ ଗର୍ଭବତୀ ମହିଳାମାନଙ୍କ କ୍ଷେତ୍ରରେ ।
  3. କିଟନାଶକ ଦ୍ୱାରା ପରିଶୃତ କରାଯାଇଥିବା ମଶାରୀ ଭିତରେ ଶୋ‍ଇବା ଦ୍ୱାରା ମ୍ୟାଲେରିୟାକୁ ନିବାରଣ କରନ୍ତୁ ଯାହା ମଶାମାନଙ୍କୁ ମାରିଦିଏ ଏବଂ ଦଂଶନରୁ ରକ୍ଷା କରିଥାଏ ।
  4. ମ୍ୟାଲେରିୟା ମଶା ସୂର୍ଯାସ୍ତ ଓ ସୂର୍ଯୋଦୟ ମଧ୍ୟରେ ଦଂସନ କରିଥାଏ ।
  5. ଯେତେବେଳେ ପିଲାମାନଙ୍କୁ ମେଲେରିୟା ହୁଏ ସେମାନଙ୍କ ବୃଦ୍ଧି ଓ ବିକାଶ ଆହୁରି ଧୀର ହୁଏ ।
  6. ମେଲେରିୟା ମଶାକୁ ମାରିବା ପାଇଁ ତିନି ପ୍ରକାରରେ କୀଟନାଶକ ସିଞ୍ଚନ କରାଯାଏ: ଘର ମଧ୍ୟରେ, ବାୟୁମଣ୍ଡଳରେ ଏବଂ ପାଣିରେ ।
  7. ମେଲେରିୟାର ଲକ୍ଷଣଗୁଡ଼ିକ ହେଉଛି ପ୍ରବଳ ଜ୍ୱର, ମୁଣ୍ଡ ବ୍ୟଥା, ପେଶୀ ଓ ପେଟରେ ପିଡ଼ା ହେବା, ଏବଂ ଶୀତ ଲାଗିବା । ଦ୍ରୁତ ପରୀକ୍ଷା ଓ ଚିକିତ୍ସା ଜୀବନ ବଞ୍ଚାଏ ।
  8. ସାସ୍ଥ୍ୟ କର୍ମୀଙ୍କ ନିର୍ଦେଶ ଅନୁସାରେ ଔଷଧ ମଧ୍ୟମରେ ମେଲେରିୟା ପ୍ରତିହତ ଏବଂ ଚିକିତ୍ସା କରାଯାଇପାରେ ।
  9. ମେଲେରିୟା ସଂକ୍ରମିତ ବ୍ୟକ୍ରିର ରକ୍ତରେ ବାସ କରେ ଏବଂ ରକ୍ତସ୍ୱଳ୍ପତା ଘଟାଇପାରେ, ଯାହା ତାଙ୍କୁ କ୍ଲାନ୍ତ ଏବଂ ଦୁର୍ବଳ କରିଦିଏ ।
  10. ମେଲେରିୟା ବିରୋଧୀ ପିଲ୍‌ଗୁଡ଼ିକ ଯେତେବେଳେ ଗୋଷ୍ଠି ମଧ୍ୟରେ ପ୍ରଚୁର ରହିଛି ସେତେବେଳେ ସ୍ଥାନେ ସ୍ଥାନେ ଏବଂ ସମୟ ସମୟରେ ମେଲେରିୟାଏବଂ ଏନିମିୟା ପ୍ରତିହତ ବା ହ୍ରାସ କରିପାରେ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ମେଲେରିୟା: ପିଲାମାନେ କଣ କରି ପାରିବେ?

  • ଆମ ନିଜ ଶବ୍ଦ ଏବଂ ଆମ ନିଜ ଭାଷାରେ ଆମ ନିଜ ମେଲେରିୟା ଉପରେ ବାର୍ତ୍ତା ତିଆରି କରନ୍ତି!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଓ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ମେଲେରିୟା କିପରି ବ୍ୟାପିଥାଏ ଏବଂ ଆମେ କିପରି ମେଲେରିୟା ପ୍ରତିରୋଧ କରିବା ପାଇଁ ଲଢେଇରେ ଯୋଗ ଦେଇ ପାରିବା ତା ଉପରେ ପୋଷ୍ଟର ତିଆରି କରନ୍ତୁ ।
  • ମଶାର ଜୀବନଚକ୍ର ଉପରେ ଅନ୍ୟ ଶିଶୁମାନଙ୍କୁ କହିବା ବା ଅଭିନୟ କରିଦେଖାଇବା ପାଇଁ କାହାଣୀ ବା ନାଟକ ତିଆରି କରନ୍ତୁ ।
  • କିଟନାଶକ ଦ୍ୱାରା ପରିଶୁଦ୍ଧ କରାଯାଇଥିବା ମଶାରୀ କିପରି ବ୍ୟବହାର କରିବେ ଏବଂ ଯତ୍ନ ନେବେ ଦେଖାଇବା ପାଇଁ ପୋଷ୍ଟର ତିଆର କରନ୍ତୁ!
  • ମଶା କାମୁଡ଼ିବା କିପରି ଅଟକାଇବେ ତା ଉପରେ କାହାଣୀ କୁହନ୍ତୁ ଏବଂ ପୋଷ୍ଟର ତିଆରି କରନ୍ତୁ ।
  • କିପରି ଗୋଟିଏ ଶିଶୁ ଅନ୍ୟ ଏକ ଶିଶୁର ମେଲେରିୟା ଲକ୍ଷଣଗୁଡ଼ିକ ଚିହ୍ନଟ କରିବ ଏବଂ ବୟସ୍କମାନଙ୍କୁ ତାକୁ ପରିକ୍ଷା ପାଇଁ ନେବାକୁ କହିବ ତା ଦେଖାଇବା ପାଇଁ କାହାଣୀ ବା ନଟକ ପ୍ରସ୍ତୁତ କରନ୍ତୁ ।
  • ମେଲେରିୟା ଓ ଆନିମିୟାର ଲକ୍ଷଣ, କିପରି କୃମି କାରଣରୁ ଆନିମିୟା ହୁଏ ଏବଂ କିପରି ମେଲେରିୟା ପାଇଁ ମଧ୍ୟ ଏନିମିୟା ହୋ‍ଇପାରେ ତାହା ଉପରେ କାହାଣୀ ବା ନାଟକ ପ୍ରସ୍ତୁତ କରନ୍ତୁ ।
  • ଆମ ଗୋଷ୍ଠି ମଧ୍ୟରେ କୌହ ସମୃଦ୍ଧ ଖାଦ୍ୟକୁ ନେଇ ପୋଷ୍ଟର ତିଆରି କରନ୍ତୁ ।
  • ମଶା କାମୁଡ଼ୁଥିବା ସମୟରେ ଛୋଟ ପିଲାମାନଙ୍କୁ ମଶୁରୀ ଭିତରେ ରହିବା ପାଇଁ ସାହାଯ୍ୟ କରନ୍ତୁ ।
  • ମଶୁରୀ ସଠିକ ଭାବେ ଗୁଞ୍ଜା ଯାଇଥିବା ଏବଂ ସେଥିରେ କୌଣସି କଣା ନଥିବା ନିଶ୍ଚିତ କରନ୍ତୁ ।
  • ଲୋକମାନେ କାହିଁକି ମଶାରୀ ବ୍ୟବହାର କରନ୍ତି ଓ କରନ୍ତି ନାହିଁ ଏବଂ ସେମାନେ ଗୋଟିଏ ମଶାରୀ କଣ କରେ ଓ କଣ କରେ ନାହିଁ ବୋଲି ବିଶ୍ୱାସ କରନ୍ତି ତା ଉପରେ କାହାଣୀ ବା ନାଟକ ପ୍ରସ୍ତୁତ କରନ୍ତୁ ।
  • ମଶାରୀ କିପରି ବ୍ୟବହାର କରିବେ ଲୋକମାନଙ୍କୁ ଦେଖାଇବା ପାଇଁ ଏକ ପ୍ରଚାର ଅଭିଯାନ ସଂଗଠିତ କରନ୍ତୁ!
  • ଜଣେ ସ୍ୱସ୍ଥ୍ୟ କର୍ମୀଙ୍କୁ ଆମ ସ୍କୁଲ ପରିଦର୍ଶନ କରିବା ପାଇଁ ଏବଂ ବଡ଼ ପିଲାମାନଙ୍କ ସହିତ ମଶାରୀର ବ୍ୟବହାର ଓ ପରୀକ୍ଷା ବିଷୟରେ କଥା ହେବା ପାଇଁ ଆମନ୍ତ୍ରଣ କରନ୍ତୁ!
  • ଅନ୍ୟମାନଙ୍କ ସହିତ ବାର୍ତ୍ତଗୁଡ଼ିକ ଭାଗ କରିବା ପାଇଁ ଗୀତ, ନାଚ ଓ ନାଟକର ପ୍ରୟୋଗ କରନ୍ତୁ!
  • ପଚାରନ୍ତୁ ଯେ ଆମ ପରିବାରରେ କେତେଜଣଙ୍କୁ ମେଲେରିୟା ହୋ‍ଇଥିଲା? ଆମେ କିପରି ମେଲେରିୟା ନିବାରଣ କରିପାରିବା? କୀଟନାଶକଦ୍ୱାରା ପରିଷ୍କୃତ ଦୀର୍ଘସ୍ଥାୟୀ ମଶାରୀ(LLINs) ଏବଂ ୱିଣ୍ଡୋ ସ୍କ୍ରିନ କିପରି ଏବଂ କେବେ ଟାଣିବେ ଓ ସେଗୁଡ଼ିକ କିପରି କାମ କରେ? ଗୋଷ୍ଠି ମଧ୍ୟରେ ଲୋକମାନେ କେବେ LLINs ପାଇପାରିବେ? ମେଲେରିୟା କିପରି ପ୍ରାଣହାନୀ କରେ? ମେଲେରିୟା ବିଶେଷ କରି ଗର୍ଭବତୀ ମହିଳା ଏବଂ ଶିଶୁମାନଙ୍କ ପାଇଁ କାହିଁକି ବିପଜ୍ଜନକ? ସ୍ୱାସ୍ଥ୍ୟ କର୍ମୀମାନେ ସନ୍ତାନ ପ୍ରସବ କରିଥିବା ମହିଳାମାନଙ୍କୁ କଣ ଦିଅନ୍ତି ଯାହା ଦ୍ୱାରା ସେମାନଙ୍କୁ ମେଲେରିୟା ହେବ ନାହିଁ ଏବଂ ତାକୁ ସେମାନେ କେତେବେଳେ ପାଇଥାନ୍ତି? ଲୌହ ଏବଂ ଲୌହ ସମୃଦ୍ଧ ଖାଦ୍ୟ (ମାଂସ, କିଛି ଶସ୍ୟଜାତ ଓ ସବୁଜ ପତ୍ରବିଶିଷ୍ଟ ପନିପରିବା) କିପରି ଏନିମିୟା ରୋକିବାରେ ସାହାଯ୍ୟ କରେ? ଲୋକାମାନେ କିପରି ନିଜକୁ ଏବଂ ପରସ୍ପରକୁ ମଶା କାମୁଡ଼ିବାରୁ ରକ୍ଷା କରିପାରିବେ? ରକ୍ତରେ ମେଲେରିୟା ରହିଛି କି ନାହି ଯାଞ୍ଚ କରିବା ପାଇଁ କରାଯାଉଥିବା ବିଶେଷ ପରୀକ୍ଷାକୁ କଣ କୁହନ୍ତି?

ଅଧିକ ତଥ୍ୟ ପାଇଁ ଦୟାକରି www.childrenforhealth.org ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home