100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 5 ର 10 ଟି ବାର୍ତ୍ତା ଦିଆଯାଇଛି: ଡାୟେରିୟା

  1. ଡାୟେରିୟା ହେଉଛି ତରଳ ମଳ ଯାହା ଦିନକୁ ତିନ ବା ଅଧିକ ଥର ହୋଇଥାଏ ।
  2. ଡାୟେରିୟା ପାଟିବାଟେ ଦୁଷିତ ଖାଦ୍ୟ ବା ପାନୀୟ, ବା ଅପରିସ୍କାର ଆଙ୍ଗୁଠିରେ ପାଟିକୁ ଛୁଁଇବା ଅଥବା ଅପରିସ୍କାର ଚାମଚ ବା କପ୍‌ ମାଧ୍ୟମରେ ଜୀବାଣୁ ପ୍ରବେଶ କରିବା ଦ୍ୱାରା ଘଟିଥାଏ ।
  3. ଜଳ ଓ ଲବଣ (ତରଳ) ହାନି ହେବା ଦ୍ୱାରା ଶରୀରକୁ ଦୁର୍ବଳ କରିଦିଏ । ଯଦି ତରଳ ପୂନଃସ୍ଥାପନ କରା ନଯାଏ, ଛୋଟ ପିଲାମାନଙ୍କର ଡାୟେରିୟାରୁ ଶୁଷ୍କୀକରଣ(ଡିହାଇଡ୍ରେଶନ) କାରଣରୁ ମୃତ୍ୟୁ ମଧ୍ୟ ଘଟିପାରେ ।
  4. ଅତିରିକ୍ତ ନିରାପଦ ପାଣି, ବା ପ‍ଇଡ଼ ବା ତୋରାଣି ଦେବା ଦ୍ୱାରା ଡାୟେରିୟା ପ୍ରତିରୋଧ କରାଯାଇ ପାରେ । ଶିଶୁମାନଙ୍କୁ ସବୁଠାରୁ ଅଧିକ ସ୍ତନ୍ୟ କ୍ଷୀରର ପ୍ରୟୋଜନ ହୁଏ ।
  5. ଡାୟେରିୟା ହୋ‍ଇଥିବା ଶିଶୁମାନଙ୍କର ପାଟି ଓ ଜଭ ଶୁଖିଲା, ଆଖି ଭିତରକୁ ପଶିଯିବା, ଆଖିରେ ପାଣି ନଥିବା, ଢିଲା ଚମଡ଼ା, ହାତ ଓ ଗୋଡ଼ ଥଣ୍ଡା ହେବା ପରି ହୋ‍ଇପାରେ । ଶିଶୁମାନଙ୍କ ମୁଣ୍ଡରେ ପଶିଯାଇଥିବା ନରମ ସ୍ଥାନ ରହି ପାରେ ।
  6. ପିଲାମାନେ ଦୈନିକ ପାଞ୍ଚଥରରୁ ଅଧିକ ପତଳା ଝାଡ଼ା ବା ରକ୍ତ ଝାଡ଼ା କରୁଥିଲେ ବା ବାନ୍ତି କରିବା ଆରମ୍ଭ କଲେ ନିଶ୍ଚିତ ରୁପେ ସ୍ୱାସ୍ଥ୍ୟ କର୍ମୀଙ୍କୁ ଦେଖାଇବା ଉଚିତ ।
  7. ଓଆରଏସ (ORS) କହିଲେ ଓରାଲ ରିହାଇଡ୍ରେଶନ ସଲ୍ୟୁଶନ କୁ ବୁଝାଏ । ଦୋକାନ ବା କ୍ଲିନିକରେ ଓଆରଏସ ଖୋଜନ୍ତୁ । ଡାୟେରିୟା ପାଇଁ ଶ୍ରେଷ୍ଠ ପାନୀୟ ପ୍ରସ୍ତୁତ କରିବା ପାଇଁ ଏହାକୁ ପରିସ୍କାର ସ୍ୱଚ୍ଛ ପାଣିରେ ମିଳାନ୍ତୁ ।
  8. ଆଧିକାଂଶ ଡାୟେରିୟା ଔଷଧ କାମ କରେ ନାହିଁ କିନ୍ତୁ 6 ମାସରୁ ଅଧିକ ବୟସର ଶିଶୁମାନଙ୍କ ପାଇଁ ଜିଙ୍କ ପିଲ୍ସ ଡାୟେରିୟାକୁ ଶିଘ୍ର ରୋକିଥାଏ । ଓଆରଏସ ପାନୀୟ ମଧ୍ୟ ନିଶ୍ଚିତ ରୂପେ ଦିଆଯିବା ଉଚିତ ।
  9. ଡାୟେରିୟାରେ ଆକ୍ରାନ୍ତ ଛୋଟ ପିଲାମାନେ ସେମାନଙ୍କ ଶରୀରକୁ ଶକ୍ତିଶାଳୀ କରିବା ପାଇଁ ସ୍ୱାଦିଷ୍ଟ ଖାଦ୍ୟ, ଚକଟା ଯାଇଥିବା ଖାଦ୍ୟ ଯେତେ ଘନ ଘନ ସମ୍ଭବ ଖାଇବା ଆବଶ୍ୟକ ।
  10. ଶିଶୁମାନଙ୍କୁ ସ୍ତନ୍ୟପାନ କରାଇବା, ଉତ୍ତମ ସ୍ୱାସ୍ଥ୍ୟବିଧିର ଅଭ୍ୟାସ, ଟୀକାକରଣ(ନିଶେଷ କରି ରୋଟା ଭାଇରସ ଏବଂ ମିଳିମିଳା ବିରୁଦ୍ଧରେ) ଏବଂ ନିରାପଦ ଖାଦ୍ୟ ନିଶ୍ଚିତ କରିବା ଦ୍ୱାରା ଡାୟେରିୟା ପ୍ରତିହତ କରାଯାଇପାରେ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ଡାୟେରିୟା: ପିଲାମାନେ କଣ କରି ପାରିବେ?

  • ଆମ ନିଜ ଶବ୍ଦ ଏବଂ ଆମ ନିଜ ଭାଷାରେ ଆମ ନିଜ ଡାୟେରିୟା ଉପରେ ବାର୍ତ୍ତା ତିଆରି କରନ୍ତି!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଓ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ଏକ ସରଳ ମାଛି ଧରିବା ଯନ୍ତ୍ର ତିଆରି କରନ୍ତୁ ଯାହା ଜୀବାଣୁବାହି ମାଛିକୁ ଆମ ଖାଦ୍ୟ ଠାରୁ ଦୁରେଇ ରଖେ .।
  • ଡାୟେରିୟାର ଅନ୍ୟାନ୍ୟ ବିପଦ ଲକ୍ଷଣଗୁଡ଼ିକ ଅନ୍ୟମାନଙ୍କୁ ଦେଖାଇବା ପାଇଁ ପୋଷ୍ଟର ତିଆରି କରନ୍ତୁ ।
  • କେତେବେଳେ ଆମେ ସ୍ୱାସ୍ଥ୍ୟ କର୍ମୀଙ୍କୁ ସାହାଯ୍ୟ ପାଇଁ ଡାକିବା ଉଚିତ ତାହା ବିଷୟରେ ଏକ ଛୋଟ ନାଟକ ପ୍ରସ୍ତୁତ କରନ୍ତୁ ।
  • ଡାୟେରିୟା ପ୍ରତିରୋଧ କରିବା ପଦ୍ଧତି ସମ୍ପର୍କରେ ଆମକୁ ସାହାଯ୍ୟ କରିବା ପାଇଁ ଗୋଟିଏ ସାପ ଓ ସିଢ଼ି ଖେଳ ପ୍ରସ୍ତୁତ କରନ୍ତୁ ।
  • ଘର ଓ ସ୍କୁଲ ପାଇଁ ଏକ ପ୍ରାଥମିକ ଚିକିତ୍ସା କିଟ୍‍ ପ୍ରସ୍ତୁତ କରନ୍ତୁ ଯେଉଁଥିରେ ଓଆରଏସ(ORS) ଥିବ ।
  • ଦୁଇଜଣ ମା ମଧ୍ୟରେ କିପରି ଡାୟେରିୟା ହୋ‍ଇଥିବା ସେମାନଙ୍କ ସେମାନଙ୍କ ସନ୍ତାନକୁ ସାହାଯ୍ୟ କରିବେ ସେ ବିଷୟରେ କଥାହେବାର ଚରିତ୍ର ଅଭିନୟ କରନ୍ତୁ |
  • ପାଣିର ସ୍ୱଳ୍ପତା ବା ଡିହାଇଡ୍ରେଶନ ଉପରେ ଆମେ ଯାହା ଜାଣିଛୁ ତାହା ପରୀକ୍ଷା କରିବା ପାଇଁ ଆୟେରିୟା ସହିତ ଗୋଟିଏ ଶିଶୁର ଛବିକୁ ଲେବୁଲ କରିବାର ଏକ ଖେଳ ଖେଳନ୍ତୁ |
  • ବୃଦ୍ଧି ପାଇଁ ଉଦ୍ଭିଦର ଜଳର ପ୍ରୟୋଜନ କିପରି ହୁଏ ଦେଖନ୍ତୁ – ଜଳ ବିନା ଉଦ୍ଭିଦର କଣ ହୁଏ ଖୋଜି ବାହାର କରନ୍ତୁ |
  • ଆମ ନିଜକୁ ଏବଂ ଆମେ ରହୁଥିବା ଚାରିପାଖକୁ ପରିସ୍କାର ରଖି ଡାୟେରିୟା ନହେବାକୁ ସାହାଯ୍ୟ କରନ୍ତୁ |
  • କେତେ ଦ୍ରୁତ ଜୀବାଣୁ ବ୍ୟାପି ପାରେ ଜାଣିବା ପାଇଁ କରମର୍ଦନ ବା ହ୍ୟାଣ୍ଡସେକ କରିବା ଖେଳ ଖେଳନ୍ତୁ |
  • ପଚାରନ୍ତୁ, କେତେ ସମୟ ଧରି ଆମ ଅଭିଭାବକମାନେ ସ୍ତନ୍ୟପୂଷ୍ଟ କରିଥିଲେ? ଓଆରଏସ(ORS) ଏବଂ ଜିଙ୍କ ସହିତ ଆମେ କିପରି ଡାୟେରିୟା ଚିକିତ୍ସା କରିପାରିବା? ବିପଦର ଲକ୍ଷଣଗୁଡ଼ିକ କଣ କଣ ଯାହାର ଅର୍ଥ ଆମକୁ ସ୍ୱାସ୍ଥ୍ୟ କର୍ମୀଙ୍କ ସହାୟତା ନେବା ଆବଶ୍ୟକ? ଯେତେବେଖେ ଆମକୁ ଡାୟେରିୟା ହେଉଛି ସେତେବେଳେ କେଉଁ ତରଳ ଆମପାଇଁ ନିରାପଦ? ସୂର୍ଯ୍ୟ କିରଣ ବ୍ୟବହାର କରି ଆମେ କିପରି ପିଇବା ପାଣିକୁ ନିରାପଦ କରିପାରିବା?ଯେତେବେଳେ ଆମ ପାଖରେ ଓଆରସ (ORS) ନାହିଁ କେଉଁ ପାନୀୟ ଆମ ପାଇଁ ନିରାପଦ? ଡିସେଣ୍ଟ୍ରି ଏବଂ କଲେରା କଣ ଏବଂ ସେଗୁଡ଼ିକ କିପରି ବ୍ୟାପିଥାଏ?

ଫ୍ଲାଇ ଟ୍ରାପ, ଏକ କରମର୍ଦନ ଖେଳକିମ୍ବା ଗୋଟେ ସୂର୍ଯ୍ୟ କିରଣରେ ପାଣି ଜୀବାଣୂମୂକ୍ତ କରଣ ପ୍ରସ୍ତୁତ କରିବା କ୍ଷେତ୍ରରେ ବା ଅନ୍ୟ ଯେକୌଣସି ଜିନିଷରେ ଅଧିକ ନିର୍ଦ୍ଧିଷ୍ଟ ତଥ୍ୟ ପାଇଁ, ଦୟାକରି: www.childrenforhealth.org କିମ୍ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home