100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 6ର 10 ଟି ବାର୍ତ୍ତା ଦିଆଯାଇଛି: ଜଳ ଏବଂ ସ୍ୱାସ୍ଥ୍ୟବିଧାନ⇥

  1. ହାତ ଭଲ ଭାବେ ଧୋ‍ଇବା ପାଇଁ ଜଳ ଏବଂ ସାମାନ୍ୟ ସାବୁନ ବ୍ୟବହାର କରନ୍ତୁ | 10 ସେକେଣ୍ଡ ପାଇଁ ରଗଡ଼ାନ୍ତୁ, ଧୋ‍ଇ ଦିଅନ୍ତୁ ଏବଂ ପବନରେ ବା ଅପରିସ୍କାର କପଡ଼ା ନୁହେଁ ପରିସ୍କାର କପଡ଼ା/କାଗଜରେ, ପୋଛି ଶୁଖାଇ ନିଅନ୍ତୁ |
  2. ଆପଣଙ୍କ ମୂଖମଣ୍ଡଳର ଟି-ଜୋନ୍‌(ଆଖି, ନାକ ଏବଂ ପାଟି)କୁ ଛୁଇଁବା ପୂର୍ବରୁ ହାତ ଭଲ ଭାବରେ ଧୋ‍ଇ ନିଅନ୍ତୁ, ଯେହେତୁ ଏହି ଠାରୁ ହିଁ ଶରୀର ମଧ୍ୟକୁ ଜୀବାଣୂ ପ୍ରବେଶ କରିଥାଏ | ଯେତେଟା ସମ୍ଭବ ଆପଣଙ୍କ ଟି-ଜୋନ୍‌ ନଛୁଇଁବାକୁ ଚେଷ୍ଟା କରନ୍ତୁ |
  3. ଖାଦ୍ୟ ପ୍ରସ୍ତୁତ କରିବା, ଖାଇବା ବା ଶିଶୁମାନଙ୍କୁ ଖୁଆଇବା ପୂର୍ବରୁ, ଏବଂ ପରିଶ୍ରା କରିବା, ମଳତ୍ୟାଗ କରିବା, ଶିଶୁକୁ ପରିସ୍କାର କରିବା ବା ଯିଏ ଅସୁସ୍ଥ ଅଛନ୍ତି ତାଙ୍କୁ କାହାକୁ ସାହାଯ୍ୟ କରିବା ପରେ ଆପଣଙ୍କ ହାତ ଧୋ‍ଇନିଅନ୍ତୁ |
  4. ଆପଣଙ୍କ ଶରୀର ପରିସ୍କାର ଓ ପରିଚ୍ଛନ୍ନ ରଖନ୍ତୁ | ଆପଣଙ୍କ ନଖ, ଆଙ୍ଗୁଠି, ଦାନ୍ତ ଏବଂ କାନ, ମୁହଁ ଏବଂ ବାଲ ପରିସ୍କାର ରଖନ୍ତୁ | ଜୋତା/ଚପଲ ପୋକଯୋକଠାରୁ ରକ୍ଷା କରେ |
  5. ମଣିଷ ଏବଂ ଜୀବଯନ୍ତୁଙ୍କ ମଳ, ମୂତ୍ର ମାଛି ଠାରୁ ଦୁରରେ ରଖନ୍ତୁ, ଯାହା ଜୀବାଣୂ ଚାରିଆଡ଼େ ବିସ୍ତାର କରିଥାଏ | ପାଇଖାନା ବ୍ୟବହାର କରନ୍ତୁ ଏବଂ ଆପନଙ୍କ ହାତ ଧୋ‍ଇ ନିଅନ୍ତୁ |
  6. ଆପଣଙ୍କ ମୁହଁ ପରିସ୍କାର ଏବଂ ତାଜା ରଖନ୍ତୁ | ଯଦି ଚିଟ୍‌ଚିଟା ଆଖି ପାଖରେ ମାଛି ଘୁରିବୁଲେ, ତେବେ ସକାଳେ ଏବଂ ସନ୍ଧ୍ୟାବେଳେ ଅଳ୍ପ ପାଣି ଓ ସାବୁନ ସହକାରେ ଭଲ ଭାବରେ ଧୋ‍ଇ ନିଅନ୍ତୁ |
  7. ଅପରିସ୍କାର ହାତ ବା କପ ସହାଯ୍ୟରେ ପରିସ୍କାର, ସୁରକ୍ଷିତ ଜଳକୁ ଛୁଅଁନ୍ତୁ ନାହିଁ | ଏହାକୁ ସୁରକ୍ଷିତ ଏବଂ ଜୀବାଣୁ ମୁକ୍ତ ରଖନ୍ତୁ ।
  8. ସୂର୍ଯ୍ୟକିରଣ ଜଳକୁ ସୁରକ୍ଷିତ କରେ | ଗୋଟିଏ ପ୍ଲାଷ୍ଟିକ ବୋତଲରେ ଏହାକୁ ଫିଲ୍ଟର କରି ନିଅନ୍ତୁ ଏବଂ 6 ଘଣ୍ଟା ଛାଡ଼ି ଦିଅନ୍ତୁ ଯେପରିକି ପି‍ଇବା ପାଇଁ ତାହା ନିରାପଦ ନହୋ‍ଇଛି |
  9. ଯେତେବେଳେ ବି ପାରୁଛନ୍ତି, ଧୋ‍ଇବା ପରେ ପ୍ଲେଟ ବା ବାସନକୁସନକୁ ଶୁଖାଇବା ଏବଂ ଜୀବାଣୂ ନାଶ କରିବା ପାଇଁ ସୂର୍ଯ୍ୟକିରଣ ବ୍ୟବହାର କରନ୍ତୁ |
  10. ଆପଣଙ୍କ ଘର ଏବଂ ଗୋଷ୍ଠିକୁ ଆବର୍ଜନା ଏବଂ ଧୁଳିମୂକ୍ତ ରଖିବା ଦ୍ୱାରା ମାଛି ମାରି ପକାନ୍ତୁ ବା ହ୍ରାସ କରନ୍ତୁ | ଆବର୍ଜନା ସଂଗ୍ରହ ନହେବା, ପୋଡ଼ି ନଦିଆଯିବା ବା ପୋତି ନଦିଆଯିବା ପର୍ଯ୍ୟନ୍ତ ସୁରକ୍ଷିତ ଭାବରେ ରଖନ୍ତୁ |

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ପାଣି ଏବଂ ସ୍ୱାସ୍ଥ୍ୟରକ୍ଷା: ପିଲାମାନେ କଣ କରି ପାରିବେ?

  • ଆମ ନିଜ ଭାଷାରେ ଆମ ନିଜ ଶବ୍ଦ ବ୍ୟବହାର କରି ପାଣି ଏବଂ ସ୍ୱାସ୍ଥ୍ୟରକ୍ଷା ଉପରେ ବାର୍ତ୍ତା ତିଆରି କରନ୍ତୁ!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଏବଂ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ ।
  • ହାତ କିପରି ଧୁଆ ଯାଏ ଶିଖିବାରେ ଆମକୁ ସାହାଯ୍ୟ କରିବା ପାଇଁ ଗୋଟେ ଗୀତ ଶିଖନ୍ତୁ ।
  • ଜୀବାଣୁ ପରିବାରର କଣ ହେଲା ଯେତେ ବେଳେ ସଫାସୁତୁରା ପରିବାର ସେମାନଙ୍କ ଗାଁକୁ ଆସିଲେ କିମ୍ବା ଜୀବାଣୁ ଗୁଡିକ କେଉଁଠି ଲୁଚିବା ପାଇଁ ଭଲ ପାଆନ୍ତି ଦେଖାଇବା ପାଇଁ ଏକ ନାଟକ ପ୍ରସ୍ତୁତ କରି ମଞ୍ଚସ୍ଥ କରନ୍ତୁ ।
  • ଆମର ଛୋଟ ଭାଇ ଭଉଣୀ ମାନଙ୍କୁ ସାହାଯ୍ୟ କରନ୍ତୁ ଏବଂ ସେମାନେ ସେମାନଙ୍କର ହାତ କିପରି ସଠିକ ଭାବେ ସଫା କରାଯାଏ ଜାଣିଛନ୍ତି ବୋଲି ସୁନିଶ୍ଚିତ କରନ୍ତୁ ।
  • ଦଳେ ଲୋକଙ୍କୁ ଅନୁଧ୍ୟାନ କରିବା ପାଇଁ ଘଣ୍ଟାଏ ସମୟ ଦିଅନ୍ତୁ ଏବଂ ସେମାନେ କେତେ ଥର ସେମାନଙ୍କର ମୁହଁ, ସେମାନଙ୍କର ଲୁଗାପଟା ଏବଂ ଅନ୍ୟ ଲୋକଙ୍କୁ ଛୁଉଁଛନ୍ତି ଦେଖନ୍ତୁ ଏବଂ ରେକର୍ଡ କରନ୍ତୁ ।
  • ଚିନ୍ତା କରନ୍ତୁ ହାତରୁ ଶରୀରକୁ କେଉଁ କେଉଁ ବାଟେ ଜୀବାଣୁ ପଶୁଛନ୍ତି ।
  • ସ୍କୁଲ ଶୌଚାଳୟ ସଫା ରଖିବା ସୁନିଶ୍ଚିତ କରିବା ପାଇଁ ମିଳିମିଶି ଏକ ଯୋଜନାରେ କାମ କରନ୍ତୁ ।
  • ଫିଲ୍ଟର ବ୍ୟବହାର କରି ପାଣି କିପରି ସଫା କରାଯାଏ ଶିଖନ୍ତୁ ।
  • ସ୍କୁଲ କମ୍ପାଉଣ୍ଡ ସଫା ରଖିବା ଏବଂ ଅଳିଆ ଆବର୍ଜନା ବାହାର କରିବା ପାଇଁ ଏକ ଯୋଜନା କରନ୍ତୁ ।
  • ସ୍କୁଲରେ ଏକ ସ୍ୱାସ୍ଥ୍ୟରକ୍ଷା କ୍ଲବ ଆରମ୍ଭ କରନ୍ତୁ ।
  • ମଶାମାଛି, ମଇଳା ଏବଂ ଜୀବାଣୁ ବିଷୟରେ ଆମେ ଯାହା ଜାଣିଛେ ତା’ ଆମ ପରିବାର ସହିତ ଭାଗ କରନ୍ତୁ ।
  • ଆମର ପାଣି ପାତ୍ର ସଫା ଏବଂ ଢାଙ୍କି ରଖନ୍ତୁ ଏବଂ ସବୁ ବେଳେ ଡଙ୍କି ବ୍ୟବହାର କରନ୍ତୁ, କପ କିମ୍ବା ହାତ କେବେ ହେଲେ ବ୍ୟବହାର କରନ୍ତୁ ନାହିଁ । ପାତ୍ରରୁ କିପରି ପାଣି ବାହାର କରାଯାଏ ତାହା ଆମର ଛୋଟ ଭାଇ ଭଉଣୀ ମାନଙ୍କୁ ଦେଖାନ୍ତୁ ।
  • ମିଳିମିଶି ଗୋଟେଟିପି ପାଇପ ପ୍ରସ୍ତୁତ କରନ୍ତୁ!
  • ଆମ ଶରୀର ସଫା କଲା ବେଳେ ସାବୁନ ଧରିବା ପାଇଁ ଧୋଇବା ମିଟ କିପରି ପ୍ରସ୍ତୁତ କରାଯାଏ ।
  • ପ୍ଲାଷ୍ଟିକ ବଟଲରେ ଗୋଟେ ମାଛି ଯନ୍ତା ଏବଂ କିଛି ଚିନି ପାଣି କିମ୍ବା ପୂ’ କରନ୍ତୁ!
  • ସୂର୍ଯ୍ୟ କିରଣ ବ୍ୟବହାର କରି ଘରେ ପିଇବା ପାଇଁ ପାଣି ସଫା କରିବାରେ ସାହାଯ୍ୟ କରନ୍ତୁ ।
  • ମଇଳା ପାଣି ସଫା କରିବା ପାଇଁ ଗୋଟେ ବାଲି ଫିଲ୍ଟର ପ୍ରସ୍ତୁତ କରନ୍ତୁ ।
  • ଆମ ସମୁଦାୟକୁ ଯୋଗାଣ ହେଉଥିବା ପାଣି ଏବଂ ଏହା ପିଇବା ପାଇଁ ନିରାପଦ କି ନୁହେଁ ତା’ର ଏକ ନକ୍ସା ପ୍ରସ୍ତୁତ କରନ୍ତୁ ।
  • ରନ୍ଧା ପାତ୍ର ଏବଂ ଆମର ପ୍ଲେଟ ପାଇଁ ଏକ ସୁଖାଇବା ରେକ ତିଆରି କରନ୍ତୁ ଯେପରିକି ସେସବୁ ସୂର୍ଯ୍ୟ କିରଣରେ ଶୁଖି ପାରିବ ।
  • ଆମ ହାତକୁ ସଫା ଏବଂ ଜୀବାଣୁ ମୁକ୍ତ କିପରି ରଖି ପାରିବା ପଚାରନ୍ତୁ । ଘରେ ହାତ ଧୋଇବା ପାଇଁ ବ୍ୟବହାର କରିବାକୁ ଆପଣଙ୍କ ପାଖରେ ସାବୁନ ଅଛି କି? ସ୍ଥାନୀୟ ଦୋକାନରେ ସାବୁନର ମୂଲ୍ୟ କେତେ ପଡିଥାଏ? ଆମ ଶରୀରକୁ କିପରି ସଫା ରଖି ପାରିବା? ଆମର ଦାନ୍ତ କିପରି ବ୍ରସ କରିବା? ଜୀବାଣୁ କେଉଁଠୁ ଆସନ୍ତି, କେଉଁଠି ରହନ୍ତି ଏବଂ ସେମାନେ କିପରି ବଂଶ ବିସ୍ତାର କରନ୍ତି? ମାଛି ମାନେ କେମିତି ରହନ୍ତି, ଖାଆନ୍ତି ଏବଂ ବଂଶ ବୃଦ୍ଧି କରନ୍ତି? ମାଛି ମାନେ ସେମାନଙ୍କ ଗୋଡରେ କିପରି ମଇଳା ବହନ କରନ୍ତି? ଆମର ପାଣିର ଉତ୍ସ ଗୁଡ଼ିକ କଣ କଣ? ଆମେ ମଇଳା ପାଣିକୁ ପିଇବା ପାଇଁ କିପରି ସୁରକ୍ଷିତ କରିପାରିବା? ଆମେ ପ୍ଲାଷ୍ଟିକ ବଟଲ କେଉଁଠୁ ପାଇବା? କେଉଁ ଲୁଗାକୁ ପାଣି ଫିଲ୍ଟର ଭାବେ ବ୍ୟବହାର କରାଯାଇପାରେ? ଖାଦ୍ୟ ପ୍ରସ୍ତୁତ କଲା ବେଳେ ପରିବାର ସଦସ୍ୟ କେଉଁ ସ୍ୱାସ୍ଥ୍ୟରକ୍ଷା ନିୟମ ବ୍ୟବହାର କରନ୍ତି? ଘର କିମ୍ବା ଗୋଷ୍ଟିର କେଉଁ କେଉଁ ସ୍ଥାନରେ ସର୍ବାଧିକ ଜୀବାଣୁ ଥାଇ ପାରନ୍ତି?

ମାଛି ଯନ୍ତା, ସୂର୍ଯ୍ୟ କିରଣ ବ୍ୟବହାର କରି ପାଣି ଜୀବାଣୁ ମୁକ୍ତ କରିବା,କିପରି ପ୍ରସ୍ତୁତ କରିବା ବାଲି ଫିଲ୍ଟର, ଧୋଇବା ମିଟ କିମ୍ବା ଏକଟିପି ପାଇପକିମ୍ବା ଅନ୍ୟ ଯେକୌଣସି ଜିନିଷରେ ଅଧିକ ନିର୍ଦ୍ଧିଷ୍ଟ ତଥ୍ୟ ପାଇଁ ଦୟାକରି ସମ୍ପର୍କ କରନ୍ତୁ www.childrenforhealth.org କିମ୍ବା clare@childrenforhealth.org

ଓଡ଼ିଆ Home