100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ଏଠାରେ ପ୍ରସଙ୍ଗ 7 ର 10 ଟି ବାର୍ତ୍ତା ଦିଆଯାଇଛି: ପୋଷଣ

  1. ଯେଉଁ ଖାଦ୍ୟ ଆମକୁ ଚଳନକ୍ଷମ କରେ ମିଶାଣ ଯେଉଁ ଖାଦ୍ୟ ଆମକୁ ବଢାଏ, ମିଶାଣ ଯେଉଁ ଖାଦ୍ୟ ଆମକୁ ଚିକ ଚିକ କରେ ତାହା ଉତ୍ତମ ଖାଦ୍ୟ ହୋଇଥାଏ ଯାହା ଆମ ଶରୀରକୁ ମଜବୁତ କରିଥାଏ!
  2. ଯଦି ଆମେ ବହୁତ କମ ଖାଉ, କିମ୍ବା ଅତ୍ୟଧିକ ଜଙ୍କ ଫୁଡ ଖାଉ ତ’ହେଲେ ଅପପୁଷ୍ଟି ହୋଇଥାଏ । ଭୋଜନରେ ସଠିକ ପରିମାଣର ଉତ୍ତମ ଖାଦ୍ୟ ପାଇଁ ବସିବା ଏବଂ ଭାଗ କରିବା ଦ୍ଵାରା ଏହାକୁ ଏଡାଇ ଯାଆନ୍ତୁ ।
  3. 2 ବର୍ଷରୁ କମ ବୟସର ଶିଶୁ ମାନଙ୍କୁ ଏକ 5s-ନିମ୍ନ କ୍ଲିନିକରେ ଓଜନ କରି ସେମାନେ ଭଲ ଭାବେ ବଢୁଛନ୍ତି ବୋଲି ଯାଞ୍ଚ କରିବା ଆବଶ୍ୟକ ।
  4. ଯଦି ଶିଶୁମାନେ ପତଳା ହୋଇଯାନ୍ତି କିମ୍ବା ସେମାନଙ୍କ ମୁହଁ କିମ୍ବା ପାଦ ଫୁଲିଯାଏ କିମ୍ବା ଅତ୍ୟଧିକ ସ୍ଥିର ହୋଇ ରହନ୍ତି, ତା’ହେଲେ ସେମାନେ ସ୍ୱାସ୍ଥ୍ୟ କର୍ମୀଙ୍କୁ ଦେଖା କରିବା ଉଚିତ ।
  5. ଶିଶୁମାନେ ଅସୁସ୍ଥ ହେଲେ ସେମାନଙ୍କର ଭୋକ ମରିଯାଏ । ସେମାନଙ୍କୁ ଅଧିକ ପରିମାଣର ପାନୀୟ ଏବଂ ସୁପ ଦିଅନ୍ତୁ, ଏବଂ ଭଲ ହେବା ପରେ ସାଧାରଣଠୁ ଅଧିକ ଖାଦ୍ୟ ଦିଅନ୍ତୁ ।
  6. ଜନ୍ମ ଠାରୁ 6 ମାସ ପର୍ଯ୍ୟନ୍ତ ଶିଶୁ କେବଳ ମା’ ଖିରକୁ ଖାଦ୍ୟ ଏବଂ ପାନୀୟ ଭାବେ ଗ୍ରହଣ କରିଥାଏ । ଏଥିରେ ଚଳନ, ବଢଣ ଏବଂ ଗ୍ଲୋ ଥାଏ!
  7. 6 ମାସ ପରେ ଶିଶୁମାନେ ମା’ଖିର ସହ ଚକଟା କିମ୍ବା ଗୁଣ୍ଡ ହୋଇଥିବା ପରିବାର ଖାଦ୍ୟ ଦୈନିକ 3 ରୁ 4 ଥର ସହ ପ୍ରତି ଭୋଜନ ମଧ୍ୟରେ ଗୋଟେ ଥର ସ୍ନେକ୍ସ ଆବଶ୍ୟକ କରନ୍ତି ।
  8. ଏକ ସ୍ଵାସ୍ଥ୍ୟକର ସନ୍ତୁଳିତ ଆହାର ପାଇଁ ପ୍ରତି ସପ୍ତାହରେ ବିଭିନ୍ନ ରଙ୍ଗର ପ୍ରାକୃତିକ ଖାଦ୍ୟ ଖାଇବା ଏକ ଭଲ ଉପାୟ ।
  9. ଲାଲ, ହଳଦିଆ ଏବଂ ସବୁଜ ଫଳ ଏବଂ ପନିପରିବାରେ ସୂକ୍ଷ୍ମ ପୋଷଣ ଭରପୁର ଥାଏ । ଏଗୁଡିକ ଦେଖିବା ପାଇଁ ଅତ୍ୟନ୍ତ କ୍ଷୁଦ୍ର ହେଲେ ହେଁ ସେମାନେ ଆମ ଶରୀରକୁ ମଜବୁତ କରିଥାନ୍ତି ।
  10. ଆପଣ ଖାଉଥିବା ଏବଂ ରାନ୍ଧୁଥିବା ଖାଦ୍ୟ ଧୋଇବା ଦ୍ଵାରା ବିମାରୀ ଏବଂ ଉଦାସି ପ୍ରତିରୋଧ କରନ୍ତୁ । ରନ୍ଧା ଖାଦ୍ୟ ଜଳଦି ବ୍ୟବହାର କରନ୍ତୁ କିମ୍ବା ତାହା ସଠିକ ଭାବେ ସାଇତି ରଖନ୍ତୁ ।

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ମେଲେରିୟା: ପିଲାମାନେ କଣ କରି ପାରିବେ?

  • ଆମ ନିଜ ଭାଷାରେ ଆମ ନିଜ ଆମ ନିଜ ଶବ୍ଦ ବ୍ୟବହାର କରି ଆମର ନିଜ ପୋଷଣ ଉପରେ ବାର୍ତ୍ତା ତିଆରି କରନ୍ତୁ!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଏବଂ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ସାହାଯ୍ୟ ପାଇଁ ଅନ୍ୟ ଶିଶୁ ଏବଂ ଏକ ପ୍ରାପ୍ତ ବୟସ୍କ ସହ ବୃଦ୍ଧି ଚାର୍ଟ ନେଇ ଦେଖନ୍ତୁ ଏବଂସମସ୍ତ ଲାଇନର ଅର୍ଥ ବାହାର କରନ୍ତୁ ଏହାକୁ ବେଳେ ବେଳେ ସ୍ୱାସ୍ଥ୍ୟ ପଥ ଚାର୍ଟ କୁହାଯାଏ ଏବଂ ଆପଣଙ୍କର ସ୍ୱାସ୍ଥ୍ୟ କ୍ଲିନିକରେ ଏହା ମିଳି ପାରିବ ।
  • ଏକ ସ୍ୱାସ୍ଥ୍ୟ କ୍ଲିନିକ ଯାଇ ଶିଶୁମାନଙ୍କ ଓଜନ ନିଆଯିବା ଏବଂ ସେମାନଙ୍କର ଓଜନ ବୃଦ୍ଧି ଚାର୍ଟରେ ପ୍ଲଟ କରାଯିବା ଦେଖନ୍ତୁ ।
  • ସ୍ୱାସ୍ଥ୍ୟ କ୍ଲିନିକରେ ଶିଶୁ ଏବଂ ଛୋଟ ପିଲାମାନଙ୍କ ଓଜନ କରାଯିବା ଏବଂ ମପାଯିବା ଦେଖନ୍ତୁ ।
  • ସେମାନେ ଜାଣିଥିବା ଅପପୁଷ୍ଟି ଥିବା କିମ୍ବା ଆଶଙ୍କା ଥିବା କୌଣସି ଶିଶୁ ଏବଂ ସାହାଯ୍ୟ କରିବା ପାଇଁ ସେମାନେ କଣ କରିପାରିବେ ଆଲୋଚନା କରନ୍ତୁ
  • ମୋ ପରିବାର ପ୍ରତି ଦିନ/ସପ୍ତାହରେ କଣ ଖାଆନ୍ତି ରେକର୍ଡ କରନ୍ତୁ? ପ୍ରତି ସପ୍ତାହରେ ଆମେ କେତୋଟି ପ୍ରାକୃତିକ ରଙ୍ଗ ଖାଇଥାଉ? ଆମ ପରିବାରରେ ପ୍ରତ୍ୟେକେ ସେମାନଙ୍କ ବୃଦ୍ଧି, ଗ୍ଲୋ ଏବଂ ଚଳନ ସୁନିଶ୍ଚିତ କରିବା ପାଇଁ ଯଥେଷ୍ଟ ଖାଦ୍ୟ ପାଉଛନ୍ତି କି? ଆମେ କିପରି ଜାଣିବା? କେହି ଅଛନ୍ତି କି ବିଶେଷକରି ବୃଦ୍ଧ କିମ୍ବା ବିଶେଷକରି ଛୋଟ ଯିଏ କେତେ କମ ସେ ଖାଉଛନ୍ତି ଜାଣିବା ପାଇଁ ଆମର ଆବଶ୍ୟକତା ଚାହୁଞ୍ଚନ୍ତି?
  • କେତେ ବେଳେ ଖାଦ୍ୟ ଯୋଗୁଁ ଲୋକମାନେ ଅସୁସ୍ଥ ହୋଇଥିବା ବିଷୟରେ ପଚାରନ୍ତୁ ଏବଂ ଶୁଣନ୍ତୁ ।
  • ଗୋଟେ ଶିଶୁ ଅପପୁଷ୍ଟିର ଶିକାର ହୋଇଛି ବୋଲି ସେମାନେ କିପରି ଜାଣନ୍ତି, ବାପାମା’, ସ୍ୱାସ୍ଥ୍ୟକର୍ମୀ କିମ୍ବା ଅନ୍ୟମାନଙ୍କ ଠାରୁ ପଚାରି ବୁଝନ୍ତୁ ।
  • ଶିଶୁ ଏବଂ ଛୋଟ ପିଲାମାନଙ୍କ ପାଇଁ ଖରାପ ଖାଦ୍ୟ ଦର୍ଶାଉଥିବା ଏକ ଛବିଳ ଚାର୍ଟ ଟାଣନ୍ତୁ ଏବଂ ପ୍ରତି ଖାଦ୍ୟ ପରେ ଏହା କାହିଁକି ଖରାପ ଲେଖନ୍ତୁ ।
  • 6 ମାସ ପରେ ପ୍ରଥମ ଖାଦ୍ୟ ଭାବେ ମା’ମାନେ ସେମାନଙ୍କ ଶିଶୁମାନଙ୍କୁ କଣ ଖାଇବାକୁ ଦିଅନ୍ତି ବାହାର କରନ୍ତୁ? ସେମାନଙ୍କ ଶିଶୁମାନଙ୍କୁ କେତେ ଥର ଖୁଆଇଥାନ୍ତି? ସେମାନେ ଉତ୍ତର ରେକର୍ଡ କରି ପାରିବେ ଏବଂ ପରେ ସାଙ୍ଗମାନଙ୍କ ସହ ମିଶି ପରିଣାମ ଦର୍ଶାଉଥିବା ଏକ ଚାର୍ଟ ପ୍ରସ୍ତୁତ କରିପାରିବେ ।
  • ସମୁଦାୟରେ ଅଧିକାଂଶ ଲୋକଙ୍କ ପାଇଁ କେଉଁ ଭିଟାମିନ ପ୍ରଚୁରତା ଥିବା ଖାଦ୍ୟ ଉପଲବ୍ଧ ଏବଂ ସେସବୁ ଖାଦ୍ୟ କିପରି ପ୍ରସ୍ତୁତ କରାଯାଏ (ବଜାର ଏବଂ/କିମ୍ବା ଘରେ) ବାହାର କରନ୍ତୁ ।
  • ଖାଦ୍ୟ କିପରି ପ୍ରସ୍ତୁତ କରାଯାଏ, ପ୍ଲେଟ ଏବଂ ବାସନକୁସନ କିପରି ଧୁଆ ଏବଂ ଶୁଖାଯାଏ ଏବଂ ଯଦି ସେମାନେ ଠିକ ଭାବେ କରୁଥାନ୍ତି ତା’ହେଲେ ଖାଦ୍ୟ ପ୍ରସ୍ତୁତ କରିବା ଲୋକ କେତେ ବେଳେ ତା’ର ହାତ ଧୁଏ ଆଦି ଅନୁଧ୍ୟାନ କରନ୍ତୁ ।
  • ଏକ ସପ୍ତାହ ଭିତରେ ଆମେ ଖାଇଥିବା ପ୍ରତିଦିନର ଖାଦ୍ୟର ଛବି ଏବଂ/କିମ୍ବା ଲେଖା କରନ୍ତୁ । ସମସ୍ତ ଖାଦ୍ୟ ପାଇଁ ଆମେ ଛବିରେ ରଙ୍ଗ ମାରିପାରିବା କିମ୍ବା ରଙ୍ଗ ଲେବୁଲ ଲେଖି ପାରିବା ।
  • 6 ମାସ ପରେ ପ୍ରଥମ ଖାଦ୍ୟ ଭାବେ ମା’ମାନେ ସେମାନଙ୍କ ଶିଶୁମାନଙ୍କୁ କଣ ଖାଇବାକୁ ଦିଅନ୍ତି ବାହାର କରନ୍ତୁ ଏବଂ ଉତ୍ତର ରେକର୍ଡ କରନ୍ତୁ ଏବଂ ପରେ ସାଙ୍ଗ ମାନଙ୍କ ସହ ମିଶି ପରିଣାମ ଦର୍ଶାଉଥିବା ଏକ ଚାର୍ଟ ପ୍ରସ୍ତୁତ କରନ୍ତୁ ।
  • ଶିଶୁ ଏବଂ ଛୋଟ ପିଲାମାନଙ୍କ ପାଇଁ କେଉଁ ଖାଦ୍ୟ ଭଲ କିମ୍ବା ଖରାପ ଏବଂ କାହିଁକି, ଜାଣନ୍ତୁ ? ଏହି ଖାଦ୍ୟର ଛବି ଆମେ ଆଙ୍କି ପାରିବା ଏବଂ ଆମର ଫଳାଫଳ ଦର୍ଶାଉଥିବା ଏକ ଛବିଳ ଚାର୍ଟ ପ୍ରସ୍ତୁତ କରିପାରିବା ।
  • ଶିଶୁ ଭଲ ଭାବେ ବଢୁଛି ବୋଲି ଯାଞ୍ଚ କରିବା ପାଇଁ ଗୋଟେ ବୃଦ୍ଧି ଚାର୍ଟ କିପରି କାମ କରିଥାଏ, ପଚାରନ୍ତୁ? ଖାଦ୍ୟ ତଟକା ରଖିବା ପାଇଁ ଖାଦ୍ୟ ଶୁଷ୍କ କରିବା କିମ୍ବା ଖାଦ୍ୟ ବୋତଲରେ ରଖିବା କିମ୍ବା ଅନ୍ୟ କଣ ସବୁ ପଦ୍ଧତି ବ୍ୟବହାର କରାଯାଏ? ପ୍ରାକୃତିକ ରଙ୍ଗବେରଙ୍ଗ ଖାଦ୍ୟ ଖାଇବା କାହିଁକି ଗୁରୁତ୍ଵପୂର୍ଣ୍ଣ? ଅସୁସ୍ଥ ଥିବା ସମୟରେ ଏବଂ ତା’ପରେ କେଉଁ ଖାଦ୍ୟ ଖାଇବା ଲୋକମାନଙ୍କ ପାଇଁ ଭଲ?
  • ସ୍ତନପାନ ବିଷୟରେ ଏବଂ କାହିଁକି ଏହା ସର୍ବୋତ୍ତମ ବିକଳ୍ପ ତା’ର କାରଣ ସ୍ୱାସ୍ଥ୍ୟକର୍ମୀଙ୍କୁ ପଚାରନ୍ତୁ ।
  • ଅସୁସ୍ଥ ଥିବା ଏକ ଶିଶୁ ଯଥେଷ୍ଟ ଭଲ ଖାଦ୍ୟ ଏବଂ ପାନୀୟ ପାଇବାରେ ସାହାଯ୍ୟ କରିବା ପାଇଁ ଆମେ କଣ କରି ପାରିବା ପଚାରନ୍ତୁ ।
  • ଆମ ସମୁଦାୟରେ/ଆମ ସାଙ୍ଗସାଥିରେ କେଉଁ ମା’ମାନେ ସେମାନଙ୍କ ଶିଶୁକୁ ସ୍ତନପାନ କରାଉଛନ୍ତି ଏବଂ କାହିଁକି, ବାହାର କରନ୍ତୁ? ଶିଶୁର ବଡ ହେବା ସହ ମା’ଖିର କିପରି ପରିବର୍ତ୍ତନ ହୋଇଥାଏ, ପଚାରନ୍ତୁ? ଶିଶୁର ସ୍ୱାସ୍ଥ୍ୟ ପାଇଁ ବୋତଲ କାହିଁକି ବିପଦପୂର୍ଣ୍ଣ ହୋଇପାରେ?
  • ଖାଦ୍ୟ ଯଦି ଖରାପ ହୋଇଯାଇଛି ଏବଂ ଖାଇବା ଯୋଗ୍ୟ ନୁହେଁ ବୋଲି କିପରି କୁହାଯାଏ, ସେମାନଙ୍କର ବଡ ଭାଇଭଉଣି ଏବଂ ଅନ୍ୟମାନଙ୍କ ଠାରୁ ଶିଶୁମାନେ ପଚାରି ବୁଝିପାରିବେ ।

ଅଧିକ ତଥ୍ୟ ପାଇଁ ଦୟାକରି www.childrenforhealth.org ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home