100 ସ୍ୱାସ୍ଥ୍ୟ ବାର୍ତ୍ତା ଶିଶୁମାନେ ଶିଖିବା ଏବଂ ଭାଗ କରିବା ପାଇଁ 8-14 ବର୍ଷ ବୟସର ଶିଶୁ ମାନଙ୍କ ଉପଲକ୍ଷରେ ସରଳ, ଭରସାଯୋଗ୍ୟ ସ୍ୱାସ୍ଥ୍ୟ ଶିକ୍ଷା ବାର୍ତ୍ତା । ତେଣୁ ଏହା 10-14 ବର୍ଷର କିଶୋର କିଶୋରୀ ମାନଙ୍କୁ ଅନ୍ତର୍ଭୁକ୍ତ କରିଥାଏ । ଆମେ ଅନୁଭବ କରୁଛୁ ଯେ 10-14 ବର୍ଷ ବୟସର କିଶୋର ଓ କିଶୋରୀମାନେ ଅବଗତ ହୋଇଛନ୍ତି ବୋଲି ସୁନିଶ୍ଚିତ କରିବା ବିଶେଷ ଭାବେ ଦରକାର ଏବଂ ଗୁରୁତ୍ୱପୂର୍ଣ୍ଣ କାରଣ ଏହି ବୟସ ସମୁଦାୟର ପିଲାମାନେ ପ୍ରାୟତଃ ସେମାନଙ୍କ ପରିବାରର ଛୋଟ ଶିଶୁମାନଙ୍କ ଦେଖାଶୁଣା କରିଥାନ୍ତି । ସେମାନେ ଏପରି ଭାବରେ ସେମାନଙ୍କ ପରିବାରକୁ ସାହାଯ୍ୟ କରିବା ପାଇଁ କରୁଥିବା କାମକୁ ସ୍ୱିକୃତି ଓ ପ୍ରଶଂସା କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ ।

ଏହି 100 ବାର୍ତ୍ତାରେ ପ୍ରତ୍ୟେକ 10ଟି ପ୍ରଧାନ ସ୍ୱାସ୍ଥ୍ୟ ବିଷୟର 10 କରି ବାର୍ତ୍ତା ଅନ୍ତର୍ଭୁକ୍ତ ରହିଛି: ମେଲେରିୟା, ଡାଏରିୟା, ପୁଷ୍ଟି, ଥଣ୍ଡା କାଶ ଓ ଅସୁସ୍ଥତା, ଅନ୍ତ୍ରରେ କୃମି, ଜଳ ଓ ପରିମଳ ବ୍ୟବସ୍ଥା, ଟିକାଦାନ, ଏଚଆଇଭି ଓ ଏଡସ୍‌ ଏବଂ ଦୁର୍ଘଟଣା, ଆଘାତ ଓ ପ୍ରାରମ୍ଭିକ ଶୈଶବ ଅବସ୍ଥାର ବିକାଶ । ସରଳ ସ୍ୱାସ୍ଥ୍ୟ ବର୍ତ୍ତାଗୁଡ଼ିକ ପିତାମାତା ଓ ସ୍ୱାସ୍ଥ୍ୟ ଶିକ୍ଷାବିଦମାନଙ୍କ ଦ୍ୱାରା ଘରେ, ସ୍କୁଲରେ, କ୍ଲବରେ ଓ କ୍ଲିନିକରେ ଶିଶୁମାନଙ୍କ ସହିତ ବ୍ୟବହାର କରିବା ପାଇଁ ଉଦ୍ଦିଷ୍ଟ ।

ବିଷୟ 9 ଉପରେ 10 ଟି ବାର୍ତ୍ତା ଦିଆଯାଇଛି: ଦୁର୍ଘଟଣା ଏବଂ ଆଘାତ ନିରାକରଣ

  1. ଛୋଟ ପିଲାମାନଙ୍କ ପାଇଁ ରନ୍ଧା ସ୍ଥାନ ବିପଦପୂର୍ଣ୍ଣ । ନିଆଁ ଏବଂ ତୀକ୍ଷଣ କିମ୍ବା ଭାରି ବସ୍ତୁ ଠାରୁ ସେମାନଙ୍କୁ ଦୂରରେ ରଖନ୍ତୁ ।
  2. ନିଆଁରୁ ବାହାରୁଥିବା ଧୁଆଁ ନିଶ୍ୱାସରେ ନେବା ପିଲାମାନେ ଏଡାଇ ଯିବା ଦରକାର । ଏହା ଅସୁସ୍ଥତା ଏବଂ କାଶର କାରଣ ହୋଇଥାଏ ।
  3. ଯେକୌଣସି ବିଷାକ୍ତ ଜିନିଷ ପିଲାମାନଙ୍କ ପହଞ୍ଚରୁ ଦୂରରେ ରଖିବା ଦରକାର । ଖାଲି ମୃଦୁ ପାନୀୟ ବଟଲରେ ବିଷ ଆଦି ରଖନ୍ତୁ ନାହିଁ ।
  4. କୌଣସି ଶିଶୁ ପୋଡି ଯାଇଥଲେ ସାଙ୍ଗେ ସାଙ୍ଗେ ପୋଡା ଉପରେ ଥଣ୍ଡା ପାଣି ବ୍ୟଥା କମ ହେବା ପର୍ଯ୍ୟନ୍ତ ଢାଳନ୍ତୁ (10 କିମ୍ବା ଅଧିକ ମିନଣ୍ଟ) ।
  5. ପ୍ରତିଦିନ ଯାନବାହାନ ଏବଂ ସାଇକେଲ ପିଲାମାନଙ୍କୁ ମୃତ୍ୟୁ ଏବଂ ଆଘାତ ଦେଇଥାଏ । ସମସ୍ତ ଯାନବାହାନ ପ୍ରତି ସାବଧାନ ରହନ୍ତୁ ଏବଂ କିପରି ନିରାପଦ ରହିବାକୁ ହେବ ଅନ୍ୟମାନଙ୍କୁ ମଧ୍ୟ ଦେଖାନ୍ତୁ ।
  6. ଛୁରୀ, କାଞ୍ଚ, ଇଲେକ୍ଟ୍ରିକ ପ୍ଲାଗ, ତାର, କଣ୍ଟା, ପିନ ଆଦି ଛୋଟ ପିଲାଙ୍କ ପାଇଁ ବିପଦ ଗୁଡିକୁ ଉପରେ ନଜର ରଖନ୍ତୁ ।
  7. ଛୋଟ ପିଲାନଙ୍କର ମାଟି ଖାଇବା କିମ୍ବା ଛୋଟ ଛୋଟ ଜିନିଷ ପାଟିରେ ମାରିବା କିମ୍ବା ପାଟି ପାଖକୁ ନେବା (ଉଦାହରଣ: ମୁଦ୍ରା, ବଟନ) ବନ୍ଦ କରନ୍ତୁ ଯେହେତୁ ସେଗୁଡିକ ନିଶ୍ଵାସ ବ୍ଲକ କରି ଦେଇ ପାରେ ।
  8. ପାଣି ପାଖରେ ଛୋଟ ପିଲାମାନଙ୍କର ଖେଳିବା ବନ୍ଦ କରନ୍ତୁ ଯେଉଁଥିରେ ସେମାନେ ପଡି ଯାଇ ପାରନ୍ତି (ନଦୀ, ହ୍ରଦ, ପୋଖରୀ, କୂଅ) ।
  9. ଘର କିମ୍ବା ସ୍କୁଲ ପାଇଁ (ସାବୁନ, କଇଁଚି, କୀଟାଣୁ ଶୋଧକ ଏବଂ ଏଣ୍ଟିସେପ୍ଟିକ କ୍ରିମ, ତୁଳା ଉଲ, ଥର୍ମାମିଟର, ବେଣ୍ଡିଜ/ପ୍ଲାଷ୍ଟର ଏବଂ ଓଆରଏସ) ଏକ ପ୍ରାଥମିକ ଚିକିତ୍ସା କିଟ ପ୍ରସ୍ତୁତ କରନ୍ତୁ ।
  10. କୌଣସି ନୂଆଁ ସ୍ଥାନକୁ ଛୋଟ ପିଲା ସହ ଆପଣ ଗଲାବେଳେ ସତର୍କ ରହନ୍ତୁ! ଛୋଟ ପିଲାମାନଙ୍କ ପାଇଁ ବିପଦ ବିଷୟରେ ଦେଖନ୍ତୁ ଏବଂ ପଚାରନ୍ତୁ

ଏହି ସ୍ୱାସ୍ଥ୍ୟ ବାର୍ତ୍ତାଗୁଡ଼ିକର ବିକାଶ ଓ ପର୍ଯ୍ୟାଲୋଚନା ସ୍ୱାସ୍ଥ୍ୟ ଶିକ୍ଷାବିଦ ଓ ଚିକିତ୍ସା ବିଶେଷଜ୍ଞମାନଙ୍କ ଦ୍ୱାରା କରାଯାଇଛି., ଏବଂ ଓବିଆର ହେଲ୍‍ଥ ୱେବସାଇଟ: www.health-orb.org ରେ ମଧ୍ୟ ଉପଲବ୍ଧ.

ଏଠାରେ କାର୍ଯ୍ୟକଳାପଗୁଡ଼ିକ ପାଇଁ କିଛି ଧାରଣା ଦିଆଯାଇଛି ଯାହା ଦ୍ଵାରା ପିଲାମାନେ ବିଷୟଟିକୁ ଆହୁରି ଅଧିକ ବୁଝିବେ ଏବଂ ବାର୍ତ୍ତାଗୁଡ଼ିକ ଅନ୍ୟମାନଙ୍କ ସହିତ ଭାଗ କରିପାରିବେ ।

ଦୁର୍ଘଟଣା ଏବଂ ଆଘାତ ନିବାରଣ କରିବା: ପିଲାମାନେ କଣ କରି ପାରିବେ?

  • ଆମ ନିଜ ଭାଷାରେ ଆମ ନିଜ ଆମ ନିଜ ଶବ୍ଦ ବ୍ୟବହାର କରି ଆମର ନିଜ ଦୁର୍ଘଟଣା ଏବଂ ଆଘାତ ନିବାରଣ କରିବା ଉପରେ ବାର୍ତ୍ତା ତିଆରି କରନ୍ତୁ!
  • ବାର୍ତ୍ତାଗୁଡ଼ିକୁ ମୁଖସ୍ଥ କରନ୍ତୁ ତେବେ ଯାଇ ସେଗୁଡ଼ିକ ଆମେ କେବେହେଲେ ଭୁଲି ଯିବା ନାହିଁ!
  • ଅନ୍ୟ ପିଲା ଓ ଆମ ପରିବାର ସହିତ ବାର୍ତ୍ତଗୁଡ଼ିକ ଭାଗ କରନ୍ତୁ!
  • ବିଷ ଆଦି ନିରାପଦରେ ରଖିବା ବିଷୟରେ ପୋଷ୍ଟର କରନ୍ତୁ: ସେଗୁଡିକୁ କିପରି ଗଚ୍ଛିତ କରିବା, ସେଗୁଡିକ ଉପରେ ଲେବୁଲ ଲଗାଅ ଏବଂ ପିଲାମାନଙ୍କ ଠାରୁ ଦୂରରେ ରଖ ।
  • ଏକ ପ୍ରାଥମିକ ଚିକିତ୍ସା କିଟ ପ୍ରସ୍ତୁତ କରନ୍ତୁ ଯାହାକୁ କେହି ଆଘାତ ପାଇଲେ ଆମେ ବ୍ୟବହାର କରିପାରିବା ।
  • ଛୋଟ ପିଲାମାନେ ଖେଳିବା ପାଇଁ ନିରାପଦ ହୋଇଥିବା କଣ୍ଢେଇ ତିଆରି କରନ୍ତୁ ।
  • ନଦୀ କିମ୍ବା ହ୍ରଦ ପାଇଁ ଗୋଟେ ଦଉଡି ଏବଂ ଭେଳା ତିଆରି କରନ୍ତୁ ଯାହାକୁ ଆପାତକାଳୀନ ସ୍ଥିତିରେ ବ୍ୟବହାର କରାଯାଇ ପାରିବ ।
  • ଆମ ସ୍କୁଲ ପାଇଁ ଏକ ପ୍ରାଥମିକ ଚିକିତ୍ସା ଷ୍ଟେସନ ପ୍ରସ୍ତୁତ କରନ୍ତୁ ।
  • ଶିଶୁ ସୁରକ୍ଷା ପାଇଁ ସମସ୍ତଙ୍କ ସଚେତନତା ବଢେଇବା ପାଇଁ ଏକ ସୁରକ୍ଷା ଅଭିଯାନ ପ୍ରସ୍ତୁତ କରନ୍ତୁ ।
  • ଆମ ସମୁଦାୟରେ କେଉଁଠି ପାଣି ରହିଛି ଯେଉଁଠି ଶିଶୁମାନଙ୍କର ବୁଡି ଯିବାର ବିପଦ ଅଛି ଖୋଜି ବାହାର କରିବା ପାଇଁ ଏବଂ ଶିଶୁମାନଙ୍କୁ ସୁରକ୍ଷିତ ରଖିବା ପାଇଁ କଣ କରାଯାଇ ପାରିବ, ତା’ର ଗୋଟେ ସର୍ବେକ୍ଷଣ କରନ୍ତୁ
  • ଖେଳନ୍ତୁ କିନ୍ତୁ କାହିଁକି? ଘରେ ଦୁର୍ଘଟଣା ବିଷୟରେ ଖେଳ ।
  • ଆମ ଘରକୁ ଅଧିକତର ସୁରକ୍ଷିତ କରିବା ପାଇଁ ବିଭିନ୍ନ ଉପାୟ ଚିନ୍ତା କରନ୍ତୁ ଏବଂ ପୋଷ୍ଟର, ଗୀତ ଏବଂ ନାଟକରେ ଧାରଣା ଗୁଡିକୁ ଭାଗ କରନ୍ତୁ ।
  • ଜଣେ ସ୍ୱାସ୍ଥ୍ୟକର୍ମୀଙ୍କ ଠାରୁ ବୁଝନ୍ତୁଘର କିମ୍ବା ସ୍କୁଲ ପାଇଁ ଏକ ପ୍ରାଥମିକ ଚିକିତ୍ସା କିଟରେ ଆମେ କଣ କଣ ରଖିବା ଦରକାର ।
  • ଏକ ପୋଷ୍ଟର କିମ୍ବା ସ୍କେଚରେ ବିପଦ ଖୋଜନ୍ତୁ ପ୍ରସ୍ତୁତ କରି ଖେଳନ୍ତୁ ଏବଂ ଦେଖନ୍ତୁ ଆମେ ଦୁର୍ଘଟଣାର ସମସ୍ତ ବିପଦ ଖୋଜିପାରୁଛେ କି ନାହିଁ ।
  • ରାସ୍ତାରେ ଶିଶୁ ସୁରକ୍ଷା ସଚେତନତା ବଢେଇବା ପାଇଁ ଏକ ଅଭିଯାନ ଆରମ୍ଭ କରନ୍ତୁ ।
  • କୌଣସି ଶିଶୁର ଦେଖାଶୁଣା କରିବା ବେଳେ ସୁରକ୍ଷା ସଚେତନ ହେବା ପାଇଁ ରୋଲ ପ୍ଲେ କରନ୍ତୁ ।
  • ମୌଳିକ ପ୍ରାଥମିକ ଚିକିତ୍ସା ଶିଖନ୍ତୁ ତେବେ ଆମେ ଏକ ଆପାତକାଳୀନ ସ୍ଥିତିରେ ସାହାଯ୍ୟ କରି ପାରିବା, ଆମର ପ୍ରାଥମିକ ଚିକିତ୍ସା ଦକ୍ଷତା ବିକାଶ ଏବଂ ଅଭ୍ୟାସ କରିବାକୁ ରୋଲ ପ୍ଲେ କରନ୍ତୁ ଏବଂ ସେ ସବୁ ପରିବାର ଏବଂ ସାଙ୍ଗସାଥିଙ୍କ ସହ ଭାଗ କରନ୍ତୁ ।
  • ଛୋଟ ପିଲାମାନଙ୍କ ପାଇଁ ଆମ ଘର ଭିତରେ ଯେକୌଣସି ପ୍ରକାର ବିପଦ ନିର୍ଦ୍ଧାରଣ କରନ୍ତୁ ଏବଂ ଖୋଜି ବାହାର କରନ୍ତୁ ।
  • ଛୋଟ ପିଲାମାନଙ୍କୁ ଆଘାତର ବିପଦ ବିଷୟରେ ଆମେ ଯାହା ଜାଣିଛେ ତା’ ବଡ ମାନଙ୍କ ସହ ଭାଗ କରନ୍ତୁ ।
  • ଶିଶୁଟିଏ ଅଣନିଶ୍ଵାସୀ ହୋଇଗଲେ କଣ କରିବାକୁ ହେବ ଶିଖନ୍ତୁ ଏବଂ ବାପାମା, ଜେଜେ ବାପାମା, ଅଜା ଏବଂ ଭାଇଭଉଣି ମାନଙ୍କୁ ଦେଖାନ୍ତୁ ।
  • ଯେଉଁଠି ପୋଡିଯିବା, ପଡିଯିବା, ବୁଡିଯିବା କିମ୍ବା ବ୍ୟସ୍ତ ସଡକର ବିପଦ ଥାଏ ସେଠାରେ ସାଧାରଣ ବିପଦ ସବୁକୁ ଚିହ୍ନିବା ଶିଖନ୍ତୁ ।
  • ଘରେ ପୋଡିଯିବାର ବିପଦ କଣ କଣ ଅଛି ପଚାରନ୍ତୁ? ଜଣେ ପୋଡି ହୋଇଗଲେ ଆମେ କଣ କରିବା ଉଚିତ? ରୋଷେଇ ଘରେ ତତଲା ଜିନିଷ ଏବଂ ତତଲା ତରଳରୁ ପିଲାମାନଙ୍କୁ କିପରି ସୁରକ୍ଷିତ ରଖାଯାଇ ପାରିବ? ଆମ ସମୁଦାୟରେ, ଲୋକମାନେ ଶିଶୁ ଏବଂ ଛୋଟ ପିଲାମାଙ୍କୁ ବିପଦ ଠାରୁ ଦୂରରେ ରଖନ୍ତି କି? – କିପରି? ବଡ ପିଲା ଏବଂ ପ୍ରାପ୍ତ ବୟସକଙ୍କ ଅପେକ୍ଷା ଶିଶୁ ଏବଂ ଛୋଟ ପିଲାମାନେ ଅଣନିଶ୍ଵାସୀ ହେବାର ବିପଦ କାହିଁକି ଅଧିକ ଥାଏ? ଆମ ନିଜକୁ ବିପଦରେ ନ ପକେଇ ପାଣିରେ ଅସୁବିଧାରେ ଥିବା କାହାକୁ ଆମେ କିପରି ସାହାଯ୍ୟ କରିବା?

ଏକ ଟିପି ପାଇପ କିମ୍ବା ଗୋଟେ ପ୍ରାଥମିକ ଚିକିତ୍ସା କିଟରେ କଣ ରଖାଯିବ କିମ୍ବା କିମ୍ବା ବିପଦ ଗୁଡିକୁ ଖୋଜନ୍ତୁର ପୋଷ୍ଟର ଉଦାହରଣ ପାଇଁ ଅଧିକ ନିର୍ଦ୍ଧିଷ୍ଟ ତଥ୍ୟ ପାଇଁ ଦୟାକରି www.childrenforhealth.org କିମ୍ବା clare@childrenforhealth.org ରେ ସମ୍ପର୍କ କରନ୍ତୁ ।

ଓଡ଼ିଆ Home