بچوں کے سیکھنے اور آپس میں بانٹنے کے لئے صحت کے 100 عدد پیغامات صحت کی تعلیم کے عام اور معتبر پیغامات ہیں جن کا ہدف 8-14 سال کے بچے ہیں۔. لہذا اس میں10-14 سال تک کے نو عمر جوان شامل ہیں۔ ہم محسوس کرتے ہیں کہ یہ بات خاص طور پرمفید اور اہمیت کی حامل ہے کہ 10-14 سال کی عمر کے نو عمر جوانوں کو باخبر رکھے جانے کی یقین دہانی کی جاۓ کیونکہ اس عمر کا طبقہ اکثر و بیشتر اپنے اہلِ خانہ میں چھوٹے بچوں کی دیکھ بھال کر رہا ہوتا ہے. . اس کے علاوہ، اس طرح سے اپنے اہلِ خانہ کی مدد کرنے کیلئے جو کام وہ سر انجام دے رہے ہیں اس کو سراہنا اور اس سے آگاہی حاصل کرنا بہت اہم ہے۔

یہ100 پیغامات ان 10 میسجز پر مشتمل ہیں جن میں سے ہر ایک صحت کے 10 کلیدی موضوعات کا حامل ہے: ملیریا، اسہال، غذائیت، کھانسی سردی اور بیماری، آنتوں کے طفیلی کیڑے، پانی و صفائی، حفاظتی ٹیکے، ایچ آئی وی(HIV) اور ایڈز اورحادثات، زخم اور ابتدائی ایام کی نشوونما. صحت کے عام پیغامات والدین اور صحت کے ماہرین کے لئے بچوں کے ساتھ گھرمیں، اسکولوں میں، کلبوں اور کلینکس میں استعمال کرنے کے لئے ہیں.

موضوع 10 میں شامل 10  پیغامات یہ ہیں: ایچ آئی وی اور ایڈز

  1. ہمارا جسم حیران کن ہے، اور ہر روز یہ خاص طریقے سے ہمیں سانس، کھانے، پینے اور لمس کے ذریعے لگنے والے جراثیموں سے ہونے والی بیماریوں کے حملوں سے بچاتا ہے۔

  2. ایچ آئی وی ایک جرثومہ ہے جسے وائرس کہتے ہیں (V وائرس کے لئے ہے)۔ یہ ایک خاص خطرناک وائرس ہے جو ہمارے جسم کو دوسرے جراثیوں سے خود کو بخوبی بچانے سے روک دیتا ہے۔
  3. سائنسدانوں نے ایسی ادویات تیار کی ہیں جو ایچ آئی وی کو مہلک ہونے سے روک دیتی ہیں لیکن کسی کو بھی اسے جسم سے مکمل طور پر ختم کرنے کا طریقہ نہیں مل سکا ہے۔
  4. وقت کے ساتھ ساتھ اور بغیر ادویات کے، ایچ آئی وی کے افراد میں ایڈز نمو پا جاتا ہے۔ ایڈز سنگین بیماریوں کا ایک مجموعہ ہے جو جسم کو کمزور سے کمزور تر بنا دیتا ہے۔
  5. ایچ آئی وی نظر نہیں آتا اور خون اور جسم کے دیگر مائعات میں رہتا ہے جو جنسی عمل کے دوران بنتے ہیں۔ ایچ آئی وی منتقل ہو سکتا ہے (1) دورانِ جنسی عمل، (2) متاثرہ ماں سے بچوں کو اور (3) خون میں۔
  6. لوگ جنسی عمل سے ایچ آئی وی کا شکار ہونے سے خود کو بچا سکتے ہیں (1) جنسی عمل نہ کرنے سے، (2) باوفا تعلق برقرار رکھنے سے یا (3) کنڈوم کا استعمال (محفوظ سیکس) کرتے ہوئے جنسی عمل کرنے سے۔
  7. آپ ایچ آئی وی اور ایڈز کے شکار لوگوں کے ساتھ کھیل سکتے ہیں، کھانا، مشروبات بانٹ سکتے ہیں، ہاتھوں کو تھام اور گلے مل سکتے ہیں۔ یہ عمل محفوظ ہیں اور ان کے ذریعے آپ وائرس کا نشانہ نہیں بنیں گے۔
  8. ایچ آئی وی اور ایڈز کے شکار افراد بعض اوقات خوف اور غم کا احساس کرتے ہیں۔ ہر شخص کی طرح، انھیں پیار اور سہارے کی ضرورت ہے، اور اسی طرح ان کے اہلِ خانہ کو بھی۔ انھیں ان کے ساتھ درپیش پریشانیوں کے بارے میں بات کیے جانے کی ضرورت ہے۔
  9. وہ افراد جن کے خیال میں انھیں ایچ آئی وی یا ایڈز ہے، وہ اپنی اور دوسروں کی مدد کرنے کے لئے،کسی کلینک یا ہسپتال میں ٹیسٹ اور مشورہ کے لئے ضرور جائیں۔
  10. بہت سے ممالک میں، ایچ آئی وی پازیٹو کے حامل لوگوں کو امداد اور علاج و معالجہ فراہم کیا جاتا ہے۔ اینٹی ریٹرووائرل تھراپی (ART) نامی دوائی انھیں لمبی زندگی جینے میں مدد فراہم کرتی ہے۔

صحت کے ان پیغامات کاصحت کے ماہر معلمین اور طبی ماہرین کی طرف سے جائزہ لیا گیا ہے اور یہ ORB ہیلتھ ویب سائٹ پر بھی دستیاب ہیں: www.health-orb.org.

بچوں کی سرگرمیوں کے بارے یہ کچھ تجاویز ہیں کہ جن سے بچوں کے لئے اس موضوع کو بہتر طور پر سمجھنے اور ان پیغامات کو دوسروں کے ساتھ بانٹنے میں مدد مل سکتی ہے۔

ایچ آئی وی اور ایڈز: بچے کیا کر سکتے ہیں؟

  • آپ کی اپنی زبان میں اپنے الفاظ کا استعمال کرتے ہوۓ ایچ آئی وی اور ایڈز کے لئے اپنے پیغامات بنائیں!

  • پیغامات کو یاد کرلیں تاکہ ہم کبھی بھی انہیں نہ بھولیں!
  • پیغامات کو دوسرے بچوں اور اپنے اہلِ خانہ کے ساتھ بانٹیں!
  • ایچ آئی وی اور ایڈز کے بارے میں لیف لیٹ اور معلومات حاصل کریں اور اس معلومات کو اپنی کمیونٹی کے ساتھ بانٹیں۔
  • اپنے سکول میں ایچ آئی وی اور ایڈز کے بارے میں آپ کے سوالات کا جواب دینے کے لئے ہیلتھ ورکر کو آنے کی دعوت دیں
  • ہماری کمیونٹی میں موجود ایڈز سے متاثرہ کسی بھی بچے کی مدد کرنے کے طریقے تلاش کریں۔
  • دی لائف لائن گیم کھیلیں اور ان خطرنات رویوں کے بارے میں جانیں جن سے ہمیں ایچ آئی وی لاحق ہو سکتا ہے۔
  • ان طریقوں کے بارے میں کہ جن سے ایک آدمی سے دوسرے آدمی تک ایچ آئی وی منتقل ہو سکتا ہے ایک غلط اور درست کی گیم تیار کریں اور کھیلیں ۔ ہیلپ کے اختتام پر سوالات پوچھیں کی آپشن استعمال کریں۔
  • خصوصی دوستی اور ہمارے جنسی جذبات کے بارے میں بات چیت کرنے میں مدد کیلئے زندگی کی مہارتیں سیکھیں۔
  • دی فلیٹ آف ہوپ گیم کھیلیں اور جانیں کہ ہماری خصوصی دوستی کے دوران خود کو ایچ آئی وی سے محفوظ رکھنے کے لئے ہمیں کن محفوظ رویوں کا انتخاب کرنا ہو گا۔
  • ان تمام مشکلات کے بارے میں سوچ بچار کریں کہ ایچ آئی وی یا ایڈز کے شکار ایک انسان کو جن کا سامنا کرنا پڑتا ہے اور ہم اس کی مدد کیلئے کیا کر سکتے ہیں۔
  • ایچ آئی وی کے حامل شخص کا کردار ادا کریں اور جانیں کہ جب کسی شخص کو ایچ آئی وی لاحق ہو تو اسے کیسا محسوس ہوتا ہے۔
  • ان لوگوں کے بارے میں جو ایچ آئی وی کے ساتھ جی رہے ہیں اور انھیں درپیش مسائل کے بارے میں انھیں غور سے سنیں اور بحث و مباحثہ کریں۔
  • یہ جاننے کے لئے کہ ہم ایچ آئی وی اور ایڈز کے بارے میں کیا جانتے ہیں ایک کوئز تیار کریں ۔
  • ایچ آئی وی اور ایڈز پر مشتمل سوالات کے بارے میں اپنی کلا س میں ایک سوالیہ بکس، کا آغازکریں۔
  • اپنے اسکول کیلئے ایچ آئی وی اور ایڈز کے بارے میں ایک پوسٹر تیار کریں۔
  • ایک ڈرامہ تشکیل دیں ایک ایسی لڑکی کہ جس کا نام مینہ یا ایک ایسا لڑکا جس کا نام راجیو ہو اور ان کی ماں جسے ایچ آئی وی ہے اور یہ کہ مینہ کیسے اپنی ماں کو کلینک جانے کیلئے قائل کرتی ہے تاکہ وہ ART (اینٹی۔ریٹرووائرل تھراپی) دوائی لے سکے۔
  • اپنے اسکول اور اپنے اہلِ خانہ میں آگاہی بڑھانے کیلئے ایچ آئی وی اور ایڈز ایکشن کلب کا آغاز کریں۔
  • پوچھیں ہمارا مدافعتی نظام کیسے کام کرتا ہے؟ کونسا کھانا ہمارے مدافعتی نظام کو مضبوط اور عمل کرنے کے لئے تیار رہنے میں مدد فراہم کرتا ہے؟ ایچ آئی وی کیا ہے اور ایڈز کیا ہے؟ ان حروف سے کیا مراد ہے؟ جب کسی کو بتہ چلتا ہے کہ اسے ایچ آئی وی ہے تو اس پر کیا گزرتی ہے؟ جب کسی میں ایڈز نمو پا جائے تو پھر کیا ہوتا ہے؟ ایچ آئی وی ایک آدمی سے دوسرے آدمی کو کیسے منتقل ہوتا ہے؟ کیسے منتقل نہیں ہوتا؟ ہم اسکے خلاف خود کو کیسے محفوظ رکھ سکتے ہیں؟ ایچ آئی وی کیلئے کیسے لوگوں کا ٹیسٹ اور علاج کیا جاتا ہے؟ ماؤں سے بچوں کو ایچ آئی وی منتقل ہونے کے خطرہ کو کم کرنے میں ادویات کس طرح مدد گار ثابت ہو سکتی ہیں؟ ART (اینٹی۔ریٹرووائرل تھراپی) کیسے کام کرتی ہے اور اسے کب لینا چاہییے؟ ہماری دوستی کب اور کیسے جنسی تعلقات میں بدل جاتی ہے؟ ایک آدمی درست طریقے سے کنڈوم کیسے استعمال کر سکتا ہے؟ (لڑکا/لڑکی) ایچ آئی وی کے شکار ہمارے دوست اور ایلِ خانہ کو صحت مند اور تندرست رہنے میں مدد فراہم کرنے کے بہترین طریقے کیا ہیں؟ لوگوں کو ایچ آئی وی اور ایڈز کے بارے میں مدد فراہم کرنے کے لئے سب سے بہترین اور قریب ترین کلینک کہاں ہے؟

دی لائف گیم یا دی فلیٹ آف ہوپ گیم یا درست یا غلط گیم کے نمونہ کے بارے میں مخصوص معلومات یا دیگر کوئی بھی معلومات حاصل کرنے کیلئے، براہِ مربانی رابطہ کریں www.childrenforhealth.org یا clare@childrenforhealth.org

اُردُو‎ Home