بچوں کے سیکھنے اور آپس میں بانٹنے کے لئے صحت کے 100 عدد پیغامات صحت کی تعلیم کے عام اور معتبر پیغامات ہیں جن کا ہدف 8-14 سال کے بچے ہیں۔. لہذا اس میں10-14 سال تک کے نو عمر جوان شامل ہیں۔ ہم محسوس کرتے ہیں کہ یہ بات خاص طور پرمفید اور اہمیت کی حامل ہے کہ 10-14 سال کی عمر کے نو عمر جوانوں کو باخبر رکھے جانے کی یقین دہانی کی جاۓ کیونکہ اس عمر کا طبقہ اکثر و بیشتر اپنے اہلِ خانہ میں چھوٹے بچوں کی دیکھ بھال کر رہا ہوتا ہے. . اس کے علاوہ، اس طرح سے اپنے اہلِ خانہ کی مدد کرنے کیلئے جو کام وہ سر انجام دے رہے ہیں اس کو سراہنا اور اس سے آگاہی حاصل کرنا بہت اہم ہے۔

یہ100 پیغامات ان 10 میسجز پر مشتمل ہیں جن میں سے ہر ایک صحت کے 10 کلیدی موضوعات کا حامل ہے: ملیریا، اسہال، غذائیت، کھانسی سردی اور بیماری، آنتوں کے طفیلی کیڑے، پانی و صفائی، حفاظتی ٹیکے، ایچ آئی وی(HIV) اور ایڈز اورحادثات، زخم اور ابتدائی ایام کی نشوونما. صحت کے عام پیغامات والدین اور صحت کے ماہرین کے لئے بچوں کے ساتھ گھرمیں، اسکولوں میں، کلبوں اور کلینکس میں استعمال کرنے کے لئے ہیں.

موضوع نمبر 5 میں شامل10 پیغامات یہ ہیں: اسہال

  1. اسہال پانی کی طرح دست ہے جو دن بھرمیں تین یا اس سے زیادہ مرتبہ ہوتا ہے.

  2. اسہال آلودہ کھانے یا پینے کی اشیا کے ذریعہ منہ میں جانے والے جراثیموں سے، یا گندی انگلیوں سے منہ کو چھونے یا گندی چمچ یا کپ کے استعمال کی وجہ سے ہوتا ہے ۔
  3. پانی اور نمکیات (سیال) کی کمی جسم کو کمزور بنا دیتی ہے. اگرسیالوں کو بحال نہ کیا جاۓ تو، اسہال فوری طور پر جسم میں پانی کی کمی کی وجہ سے نوعمر بچوں کے لئے جان لیوا ثابت ہو سکتا ہے.
  4. صاف پانی، یا ناریل یا چاول کے پانی جیسے اضافی محفوظ مشروبات دینے سے اسہال کو روکا جا سکتا ہے. بچوں کو سب سے زیادہ ماں کے دودھ کی ضرورت ہوتی ہے.
  5. اسہال کے دوران ایک بچے کا منہ اور زبان خشک ہو سکتے ہیں، آنکھیں اندر کو دھنسی ہوئیں، خشک آنکھیں، جلد ڈھیلی، اور ہاتھ اور پاؤں ٹھنڈے ہو سکتے ہیں. شیرخوار بچوں کے سر پر بھی دھنسی ہوئی نرم جگہ ہو سکتی ہے۔
  6. جوبچے دن بھر میں پانچ مرتبہ سے زائد پتلے دست کریں یا خونی دست یا وہ الٹی بھی کرنا شروع کردیں توانہیں ایک ہیلتھ کارکن کو دکھانا ضروری ہو جاتا ہے۔
  7. او آر ایس (ORS) کے معنی ہے منہ کے ذریعہ باز آبیدگی محلول۔ ORS کلینکس اور دکانوں میں تلاش کریں. اسہال کے لئے بہترین مشروب بنانے کے لئے اسے صاف پانی میں صحیح طور سے حل کریں۔
  8. اسہال کی ادویات زیادہ ترکام نہیں کرتیں لیکن زنک کی گولیاں 6 ماہ سے زیادہ عمر کے بچوں میں اسہال جلد روک دیتی ہیں۔ ساتھ ہی ساتھ او آر ایس (ORS) مشروبات بھی ضروردینا چاہئے.
  9. اسہال کے دوران چھوٹے بچوں کے جسم کو مضبوط کرنے کے لئے انہیں متعدد بار لذیذ، نرم کی ہوئی غذا کی ضرورت ہوتی ہے.
  10. بچوں کو ماں کا دودھ پلا کر، حفظان صحت کی اچھی عادات، امیونائیزیشن ( بالخصوص روٹا وائرس اور خسرہ کے خلاف) اور صاف ستھری غذا کی یقین دہانی کر کے اسہال کی روک تھام کی جا سکتی ہے۔

صحت کے ان پیغامات کاصحت کے ماہر معلمین اور طبی ماہرین کی طرف سے جائزہ لیا گیا ہے اور یہ ORB ہیلتھ ویب سائٹ پر بھی دستیاب ہیں: www.health-orb.org.

بچوں کی سرگرمیوں کے بارے یہ کچھ تجاویز ہیں کہ جن سے بچوں کے لئے اس موضوع کو بہتر طور پر سمجھنے اور ان پیغامات کو دوسروں کے ساتھ بانٹنے میں مدد مل سکتی ہے۔

اسہال: بچے کیا کر سکتے ہیں؟

  • اپنی خود کی زبان میں اپنے الفاظ کا استعمال کرتے ہوۓ ملیریا کے بارے میں پیغامات تیار کریں!

  • پیغامات کو یاد کرلیں تاکہ ہم کبھی بھی انہیں نہ بھولیں! پیغامات کو یاد کرلیں تاکہ ہم کبھی بھی انہیں نہ بھولیں!
  • پیغامات کو دوسرے بچوں اور اپنے اہلِ خانہ کے ساتھ بانٹیں!
  • مکھیاں جو جراثیم پھیلاتی ہیں، کو ہماری غذا سے دور رکھنے کے لئے ایک آسان سا فلائی ٹریپ بنائیں.
  • اسہال سے خطرہ کے علامات دوسروں کو بتانے کے لئے ایک پوسٹر بنائیں.
  • ہمیں کب ہیلتھ کارکن کو مدد کے لئے بلانے کی ضرورت پڑتی ہے اس سے متعلق ایک مختصر کھیل تیار کریں۔
  • سانپوں اور سیڑھیوں کا ایک کھیل بنائیں جس کی مدد سے ہم یہ سیکھ سکیں کہ اسہال کی روک تھام کیسےکی جا ۓ۔
  • گھراوراسکول کے لئے فرسٹ ایڈ کٹس بنائیں جس میں او آر ایس بھی شامل ہو۔
  • دو ماؤں کو رول پلے کروائیں جس میں وہ باتیں کر رہی ہوں کہ اپنے اسہال شدہ بچوں کو صحت یاب ہونے میں کس طرح مدد کر سکتی ہیں ۔
  • ایک کھیل کھیلیں جس میں ایک اسہال شدہ بچے کی تصویرپرنشان لگائیں یہ پرکھنے کے لئے کہ جسم میں پانی کی کمی کے اثرات سے متعلق ہم کیا جانتے ہیں۔
  • ملاحظہ کریں کہ کس طرح پودوں کو بڑھنے کے لئے پانی کی ضرورت ہوتی ہے – معلوم کریں کہ جب پودوں میں پانی نہ ہو تو کیا ہوتا ہے.
  • ہم خود کو اوران مقامات کو جہاں ہم رہتے ہیں صاف رکھیں، تاکہ اس کے ذریعہ اسہال کی روک تھام میں مدد کرسکیں.
  • یہ جاننے کے لئے کہ جراثیم کس طرح تیزی سے پھیل سکتا ہےہینڈ شیکنگ گیم کھیلیں .
  • دریافت کریں، کہ آپ کے والدین نے کتنی مدت تک ماں کے دودھ سے خوراک حاصل کی تھی ؟ او آر ایس (ORS) اور زنک کے ساتھ ہم کس طرح گھر پراسہال کا علاج کرسکتے ہیں؟ خطرے کی وہ کون سی علامات ہیں جن کے معنی یہ ہوتے ہیں کہ ہمیں ایک ہیلتھ کارکن سے مدد حاصل کرنے کی ضرورت ہے؟ جب ہمیں اسہال لاحق ہو تو کون سےمشروبات محفوظ ہوتے ہیں؟ ہم کس طرح سورج کی روشنی کا استعمال کرتے ہوئے پانی کو پینے کے لئے محفوظ بنا سکتے ہیں؟جب ہمارے پاس کوئی او آر ایس نہ ہو تو کون سے مشروبات محفوظ ہوتے ہیں؟ پیچش اورہیضہ کیا ہیں اور وہ کیسے پھیلتے ہیں؟

فلائی ٹریپ، ہینڈ شیکنگ گیم بنانے کے لئے یا دھوپ کے ذریعہ پانی میں جراثیم کو مارنے یا کسی بھی دیگر چیز کے بارے میں مخصوص معلومات حاصل کرنے کیلئے، براہِ مربانی رابطہ کریں: www.childrenforhealth.org یا clare@childrenforhealth.org

اُردُو‎ Home