بچوں کے سیکھنے اور آپس میں بانٹنے کے لئے صحت کے 100 عدد پیغامات صحت کی تعلیم کے عام اور معتبر پیغامات ہیں جن کا ہدف 8-14 سال کے بچے ہیں۔. لہذا اس میں10-14 سال تک کے نو عمر جوان شامل ہیں۔ ہم محسوس کرتے ہیں کہ یہ بات خاص طور پرمفید اور اہمیت کی حامل ہے کہ 10-14 سال کی عمر کے نو عمر جوانوں کو باخبر رکھے جانے کی یقین دہانی کی جاۓ کیونکہ اس عمر کا طبقہ اکثر و بیشتر اپنے اہلِ خانہ میں چھوٹے بچوں کی دیکھ بھال کر رہا ہوتا ہے. . اس کے علاوہ، اس طرح سے اپنے اہلِ خانہ کی مدد کرنے کیلئے جو کام وہ سر انجام دے رہے ہیں اس کو سراہنا اور اس سے آگاہی حاصل کرنا بہت اہم ہے۔

یہ100 پیغامات ان 10 میسجز پر مشتمل ہیں جن میں سے ہر ایک صحت کے 10 کلیدی موضوعات کا حامل ہے: ملیریا، اسہال، غذائیت، کھانسی سردی اور بیماری، آنتوں کے طفیلی کیڑے، پانی و صفائی، حفاظتی ٹیکے، ایچ آئی وی(HIV) اور ایڈز اورحادثات، زخم اور ابتدائی ایام کی نشوونما. صحت کے عام پیغامات والدین اور صحت کے ماہرین کے لئے بچوں کے ساتھ گھرمیں، اسکولوں میں، کلبوں اور کلینکس میں استعمال کرنے کے لئے ہیں.

موضوع 7 میں شامل 10 پیغامات یہ ہیں: غذائیت

  1. ایسی غذا جو ہمیں تندرست وتوانا بناتی ہے ساتھ ہی وہ خوراک جو ہمیں بڑھنے میں مدد کرتی ہے، اس کے علاوہ وہ غذا جو ہمیں تازہ دم بناتی ہے یہ ان اچھے غذاؤں میں شامل ہیں جوہمارے جسم کومضبوط بناتی ہیں!

  2. جب ہم بہت کم خوراک لیتے ہیں، یا بہت ذیادہ جنک فوڈ کھاتے ہیں توغذا کی کمی پیدا ہوتی ہے۔ طعام کے دوران دوسرون کے ساتھ مل بیٹھ کرصحیح مقدار میں اچھی غذا کھائیں اور اس سے پرہیز کریں۔
  3. یہ چیک کرنے کے لئے کہ آیا انکی نشونما اچھی ہو رہی ہے 2 سال سے کم عمر کے بچوں کو ہر ماہ انڈر- 5s کلینک میں وزن کروانے کی ضرورت ہے۔
  4. اگر بچے دبلے ہورہے ہوں یا چہرے یا پاؤں میں سوجن ہو یا بہت خاموش رہیں، تو انہیں ایک ہیلتھ کارکن کو دکھانے کی ضرورت ہے.
  5. جب بچے بیمار ہوتے ہیں تو انکی بھوک ختم ہو سکتی ہے . جب وہ بہتر ہو رہے ہوں توانہیں زیادہ سے زیادہ مشروب اور سوپ دیں، اور معمول سے ذیادہ خوراک دیں۔
  6. صرف ماں کا دودھ ایک ایسی غذا اور مشروب ہے جس کی پیدائیش سے لیکر6 ماہ تک ایک بچے کو ضرورت ہوتی ہے. اس میں توانائی، تندرستی اور تازگی شامل ہیں!
  7. 6 ماہ کے بعد شیرخواربچوں کو ماں کے دودھ کے ساتھ ہر روز 2 یا 4 مرتبہ نرم کئے ہوۓ فیملی فوڈ کے علاوہ ہر ایک خوراک کے درمیان سنیک کی ضرورت ہوتی ہے.
  8. ہرہفتے مختلف رنگوں کی حامل کی قدرتی خوراک لینا ایک صحت مند متوازن غذاحاصل کرنے کا بہترین طریقہ ہے.
  9. سرخ، پیلے اورسبز پھل اورسبزیاں مائکرونیوٹرینٹ سے بھر پور ہیں. یہ دیکھنے میں بے حد قلیل ہوتے ہیں، لیکن وہ ہمارے جسم کو مضبوط بناتے ہیں.
  10. غذا کو دھوکر پکانے اور کھانے سے بیماری اور پریشانی سے ہمیں نجات مل سکتی ہے۔ پکا ہوا کھانا جلدی استعمال کریں یا اسے مناسب طریقے سے محفوظ کرلیں.

صحت کے ان پیغامات کاصحت کے ماہر معلمین اور طبی ماہرین کی طرف سے جائزہ لیا گیا ہے اور یہ ORB ہیلتھ ویب سائٹ پر بھی دستیاب ہیں: www.health-orb.org.

بچوں کی سرگرمیوں کے بارے یہ کچھ تجاویز ہیں کہ جن سے بچوں کے لئے اس موضوع کو بہتر طور پر سمجھنے اور ان پیغامات کو دوسروں کے ساتھ بانٹنے میں مدد مل سکتی ہے۔

غذائیت: بچے کیا کر سکتے ہیں؟

  • اپنی خود کی زبان میں اپنے الفاظ کا استعمال کرتے ہوۓ غذائیت کے بارے میں پیغامات تیار کریں!

  • پیغامات کو یاد کرلیں تاکہ ہم کبھی بھی انہیں نہ بھولیں!
  • پیغامات کو دوسرے بچوں اور اپنے اہلِ خانہ کے ساتھ بانٹیں!
  • ایک نشوونما کا چارٹ ملاحظہ کریں، اورایک بالغ کی مدد سے اور دیگر بچوں کے ساتھ مل کرمعلوم کریں اور حل کریں کہ ان تمام مکالموں کا کیا مطلب ہے۔ اسے کبھی کبھی روڈ ٹو ہیلتھ چارٹ کہا جاتا ہے اور آپ کے ہیلتھ کلینک میں پایا جا سکتا ہے.
  • ایک صحت کلینک میں جائیں اور ملاحظہ کریں جس دوران شیرخوار بچوں کا وزن لیا جاتا ہے اور ان کے وزن کا نشوونما کے چارٹ پراندراج کیا جاتا ہے.
  • ملاحظہ کریں جس وقت شیرخوار بچوں اور چھوٹے بچوں کا ہیلتھ کلینکس میں وزن کیا اور ماپا جاتا ہے.
  • جائزہ لیں کہ آیا ان کےعلم میں ہے کہ کہیں پرکوئی بچہ غذائیت کی کمی کا شکار ہے یا ہو سکتا ہے اور یہ کہ وہ مدد کے لئے کیا کرسکتے ہیں.
  • قلم بند کریں کہ ہر روز/ ہر ہفتے میرا خاندان کیا کھاتا ہے؟ ہم ہر ہفتے کتنے قدرتی رنگوں کی حامل غذا کھاتے ہیں؟ کیا ہمارے خاندان میں ہرفرد کوکافی خوراک حاصل ہے جوانہیں یقینی طور پرتندرست،تازہ دم اور چست رکھے؟ ہہمیں یہ کیسے معلوم ہو؟ کیا خاص طور پر کسی بزرگ یا خصوصا” کسی نوجوان کوضرورت ہے کہ ہم اس بات پر دھیان کریں کہ وہ کتنا کم خوراک لیتا یا لیتی ہے؟
  • کھانا کب لوگوں کوبیمار کرتا ہے اس کے بارے میں دریافت کریں اور کہانیاں سنیں۔
  • والدین، ہیلتھ کارکنان یا دوسروں سے معلوم کریں کہ اگر ایک بچےمیں غذائیت کی کمی ہے توانہیں کیسے پتہ چلتا ہے۔
  • شیرخوار اور چھوٹے بچوں کا ایک تصویری چارٹ بنائیں جو ناقص غذاؤں کی نمائش کر رہی ہو اور ہر مخصوص غذا کے برابر میں لکھیں کہ وہ کیوں ناقص ہے.
  • معلوم کریں کہ مائیں اپنے شیرخوار بچوں کوکھانے کے لئے 6 ماہ کے بعد پہلی خوراک کے طور پرکیا دیتی ہیں؟ وہ اپنے بچوں کو کتنی بار کھانا کھلاتی ہیں؟ وہ جوابات ریکارڈ کرسکتے ہیں اور بعد میں اپنے دوستوں کے ساتھ مل کرایک چارٹ بنائیں جو نتائج ظاہرکرتا ہو.
  • معلوم کریں کمیونٹی میں زیادہ ترلوگوں کے لئے کون سے وٹامن سے بھرپور خوراک دستیاب ہیں اور یہ غذائیں کس طرح تیارکی جاتی ہیں(مارکیٹ میں اور / یا گھر میں)۔
  • مشاہدہ کریں کس طرح کھانا تیار کیا جاتا ہے، پلیٹیں اور برتن کس طرح سے دھوۓ اور خشک کئے جاتے ہیں اور کھانا تیار کرنے والے شخص اپنے ہاتھوں کو کب دھوتے ہیں، آیا وہ مناسب طریقے سے دھوتے ہیں یا نہیں۔
  • تصاویر بنائیں اور / یا ایک ہفتے کے دوران ہردن ہم جو غذا کھاتے ہیں اس کے بارے میں لکھیں. ہم تمام کھانوں کے لئے تصاویر میں رنگ شامل کرسکتے یا رنگین لیبل لکھ سکتے ہیں.
  • مائیں ابنے شیرخوار بچوں کوکھانے کے لئے 6 ماہ کے بعد پہلی خوراک کے طور پرکیا دیتی ہیں یہ معلوم کریں اورجواب ریکارڈ کریں اوربعد میں اپنے دوستوں کے ساتھ مل کر ایک چارٹ بنائیں جو نتائج ظاہر کرتا ہو.
  • معلوم کریں شیرخوار بچوں اور نوعمربچوں کے لئے کون سی خوراک اچھی یا بری ہیں اور کیوں. ہم اس غذا کی تصاویر بنا سکتے ہیں اوراس کی مدد سے ایک تصویری چارٹ بنا ئیں جو ہمارے نتائج ظاہر کرتا ہو.
  • دریافت کریں کہ ایک گروتھ چارٹ کس طرح سے کام کرتا ہے یہ چیک کرنے کے لئے کہ آیا ایک بچے کی نشونما اچھی طرح سے ہو رہی ہے ؟ خشک خوراک یا بوتل کے خوراک یا دیگرطریقوں سے کھانوں کو تازہ رکھنے کے لئے کون سے طریقہء کار کا استعمال کیا جاتا ہے؟ قدرتی رنگ برنگی غذا کا لینا کیوں اہمیت کا حامل ہے؟ لوگ جب بیمار ہوں اس دوران اوربعد میں ان کے کھانے کے لئے کون سی غذائیں اچھی ہوتی ہیں۔
  • ماں کے دودھ کے بارے میں اور اس کے بہترین انتخاب ہونے کی وجوہات کیا ہیں، ہیلتھ کارکن سے دریافت کریں.
  • پوچھیں کہ ایک ایسے بچے کی مدد کرنے کے لئے جو بیمار ہے ہم کیا کر سکتے ہیں تاکہ وہ خاطر خواہ کھانا کھائے اور پانی پئیے؟
  • معلوم کریں کہ ہماری کمیونٹی/ ہمارے دوستوں میں کونسی مائیں اپنے بچوں کو اپنا دودھ پلاتی ہیں اور کیوں؟ بچے کے بڑا ہونے کے ساتھ ساتھ ماں کا دودھ کس طرح غذائیت بدلتا رہتا ہے؟ بوتلیں کیوں بچے کی صحت کے لئے نقصان دہ ثابت ہو سکتی ہیں؟
  • بچے اپنے بڑے بھائیوں اور دوسروں سے پوچھ سکتے ہیں کہ وہ یہ بات کیسے بتائیں کہ کھانا خراب ہو گیا ہے اور کھانے کے لئے مزید محفوظ نہیں ہے.

مزید معلومات کے لئے برائے مہربانی www.childrenforhealth.org یا clare@childrenforhealth.org سے رابطہ کریں

اُردُو‎ Home