8. آنتوں کے طفیلی کیڑے (Urdu, Intestinal Worms)

بچوں کے سیکھنے اور آپس میں بانٹنے کے لئے صحت کے 100 عدد پیغامات صحت کی تعلیم کے عام اور معتبر پیغامات ہیں جن کا ہدف 8-14 سال کے بچے ہیں۔. لہذا اس میں10-14 سال تک کے نو عمر جوان شامل ہیں۔ ہم محسوس کرتے ہیں کہ یہ بات خاص طور پرمفید اور اہمیت کی حامل ہے کہ 10-14 سال کی عمر کے نو عمر جوانوں کو باخبر رکھے جانے کی یقین دہانی کی جاۓ کیونکہ اس عمر کا طبقہ اکثر و بیشتر اپنے اہلِ خانہ میں چھوٹے بچوں کی دیکھ بھال کر رہا ہوتا ہے. . اس کے علاوہ، اس طرح سے اپنے اہلِ خانہ کی مدد کرنے کیلئے جو کام وہ سر انجام دے رہے ہیں اس کو سراہنا اور اس سے آگاہی حاصل کرنا بہت اہم ہے۔

یہ100 پیغامات ان 10 میسجز پر مشتمل ہیں جن میں سے ہر ایک صحت کے 10 کلیدی موضوعات کا حامل ہے: ملیریا، اسہال، غذائیت، کھانسی سردی اور بیماری، آنتوں کے طفیلی کیڑے، پانی و صفائی، حفاظتی ٹیکے، ایچ آئی وی(HIV) اور ایڈز اورحادثات، زخم اور ابتدائی ایام کی نشوونما. صحت کے عام پیغامات والدین اور صحت کے ماہرین کے لئے بچوں کے ساتھ گھرمیں، اسکولوں میں، کلبوں اور کلینکس میں استعمال کرنے کے لئے ہیں.

موضوع 8 میں شامل 10 پیغامات یہ ہیں: آنتوں کے طفیلی کیڑے

  1. لاکھو ں بچوں کے جسموں میں جسم کے ایک مخصوص حصہ جسے آنت کہتے ہیں، میں کیڑے نمو پا رہے ہیں اور یہ وہ جگہ ہے جہاں ہمارا کھایا ہوا کھانا ہمارا جسم استعمال کرتا ہے۔

  2. ہمارے جسم میں مختلف اقسام کے کیڑے رہ سکتے ہیں: راؤنڈ ورم (roundworm)، وِمپ وَرم (whipworm)، ہک ورم (hookworm)، اور بلہرزیا (bilharzia) (سَکِسٹومائسز) (schistosomiasis)۔ دیگر بھی ہیں!
  3. طفیلی کیڑے ہمیں بیمار اور کمزور کر سکتے ہیں۔ یہ معدہ میں درد، کھانسی، بخار اور بیماری کا سبب بنتے ہیں۔
  4. طفیلی کیڑے آپ کے جسم کے اندر رہتے ہیں لہذا ہو سکتا ہے کہ آپ کو ان کی موجودگی کا پتہ نہ چلے تاہم بعض اوقات آپ اپنے پاخانہ میں انھیں دیکھ سکتے ہیں۔
  5. طفیلی کیڑے اور ان کے انڈے مختلف طریقوں سے ہمارے پیٹ میں داخل ہو جاتے ہیں۔ کچھ کھانوں اور غیر محفوظ پانی پینے سے جسم میں داخل ہو جاتے ہیں۔ دیگر ننگے پیر وں کے راستے جسم میں داخل ہو جاتے ہیں۔
  6. طفیلی کیڑوں کو کیڑے مار گولیوں کے ساتھ ختم کرنا نہایت آسان اور سستا ہے۔ جو ہیلتھ ورکرز ہر 6 یا 12 ماہ کے بعد اور بعض طفیلی کیڑوں کے لئے زیادہ بار دیتے ہیں۔
  7. طفیلی کیڑوں کے انڈے پیشاب اور پاخانہ میں رہتے ہیں۔ بیت الخلا کا استعمال کریں یا محفوظ طور پر پیشاب اور پاخانہ سے چھٹکارا حاصل کریں۔ پیشاب یا پاخانہ کرنے کے بعد اپنے ہاتھ صابن سے دھوئیں اور اگر آپ کسی چھوٹے بچے کی مدد کر رہے ہیں تو خیال رہے کہ طفیلی کیڑوں کے انڈے آپ کے ہاتھوں پر نہ چپک جائیں۔
  8. پیشاب یا پاخانہ کرنے کے بعد اور کھانا بنانے، کھانا کھانے یا پانی پینے سے پہلے، اپنے ہاتھوں کو صابن سے دھو کر ، پھلوں اور سبزیوں کو دھو کر، اور جوتے پہن کرطفیلی کیڑوں کو اپنے جسم میں داخل ہونے سے روکیں ۔
  9. بعض طفیلی کیڑے مٹی میں رہتے ہیں لہذا مٹی کو چھونے کے بعد ہاتھوں کو ہمیشہ صابن سے دھوئیں۔
  10. کھائے جانے والی سبزیوں یا پھلوں کو پانی لگاتے وقت وہ پانی استعمال کریں جس میں انسانی پیشاب و پاخانہ شامل نہ ہو۔

صحت کے ان پیغامات کاصحت کے ماہر معلمین اور طبی ماہرین کی طرف سے جائزہ لیا گیا ہے اور یہ ORB ہیلتھ ویب سائٹ پر بھی دستیاب ہیں: orbhealth.com.

بچوں کی سرگرمیوں کے بارے یہ کچھ تجاویز ہیں کہ جن سے بچوں کے لئے اس موضوع کو بہتر طور پر سمجھنے اور ان پیغامات کو دوسروں کے ساتھ بانٹنے میں مدد مل سکتی ہے۔

غذائیت اُردُو‎ Home حادثات اور چوٹ لگنے سے بچنا

آنتوں کے طفیلی کیڑے: بچے کیا کر سکتے ہیں؟

  • اپنی خود کی زبان میں اپنے الفاظ کا استعمال کرتے ہوۓ آنتوں کے طفیلی کیڑں کے بارے میں اپنے پیغامات تیار کریں!

  • پیغامات کو یاد کرلیں تاکہ ہم کبھی بھی انہیں نہ بھولیں!
  • پیغامات کو دوسرے بچوں اور اپنے اہلِ خانہ کے ساتھ بانٹیں!
  • ہمارے کوئز میں حصہ لینے کیلئے ‘اپنی رائے کا اظہار کریں’ اور جانیں کہ آپ طفیلی کیڑوں کے بارے میں کتنا جانتے ہیں۔
  • طفیلی کیڑوں کے پارے میں ایک کہانی سنیں تاکہ ہم سمجھ سکیں کہ اپنے ہاتھ دھو کر ہم کس طرح سے طفیلی کیڑوں کو پھیلنے سے روک سکتے ہیں اور ہمیشہ یاد سے جوتے پہن کر رکھیں۔
  • پتہ لگائیں کہ ہمارے سکول میں کھانا کیسے تیار کیا جاتا ہے اور ہمارا خانسامہ کھانے کو کیسے طفیلی کیڑوں سے پاک اور محفوظ رکھتا ہے۔
  • پاخانہ جوکہ مٹی اور پانی میں چلا جاتا ہے، سے طفیلی کیڑوں کے انڈوں کو پھیلنے سے روکنے کے لئے ہمیشہ بیت الخلا اور لیٹرین کا استعمال کریں۔
  • اپنے ہاتھوں کو اچھی طرح سے دھونے کے لئے صابن اور پانی اور صاف کپڑے کی ضرورت ہوتی ہے۔
  • یہ جاننے کے لئے کہ ہمارے خاندان میں کونسے افراد طفیلی کیڑوں کے بارے میں جانتے ہیں ایک سروے کریں۔
  • گندے طفیلی کیڑوں اور یہ کہ بچے کس طرح گندے طفیلی کیڑوں کو اپنے اہلِ خانہ کا کھانا چوری کرنے سے روک سکتے ہیں کے بارے میں ایک ڈرامہ تیار کریں!
  • یہ بتانے کے لئے پوسٹرز بنائیں کہ کس طرح سےکچی سبزیوں کو کھانے، گوشت کو اچھی طرح سے پکانے اور کھانے کی تیاری کرنے سے قبل اس کو دھونے سے کھانے کو طفیلی کیڑوں سے پاک اور محفوظ رکھا جا سکتا ہے۔
  • معلوم کریں کہ ہم اپنے اہلِ خانہ، جماعت یا گروپ کے لئے کس طرح ایک ٹیپی ٹیپ اور ہاتھ دھونے کی جگہ تیار کرسکتے ہیں۔
  • طفیلی کیڑوں کو پھیلنے سے روکنے کے طریقوں یا ہم کب اور کیسے اپنے ہاتھ دھوئیں، یہ یاد دلانے کے بارے میں ایک گانا تیار کریں۔
  • پھلوں اور سبزیوں کو کھانے یا تیار کرنے سے پہلے دھونے کے بارے میں یاد دہانی کے لئے ایک پوسٹر تیار کریں۔
  • طفیلی کیڑوں کو پھیلنے سے ہم کیسے روک سکتے ہیں اس پر ایک کردار یا کٹھ پتلی شو تیار کریں۔
  • طفیلی کیڑوں کے بارے میں ہماری معلومات کا امتحان لینے کے لئےخالی جگہیں پر کریں کے الفاظ پر مبنی گیم تیار کریں اور کھیلیں یا یہ جاننے کیلئے کہ کچھ کرنے سے پہلے اور کچھ کرنے کے بعد کب ہمیں اپنے ہاتھ دھونے چاہییں ایک کوئز کریں۔ مدد کیلئے ذیل میں موجود سوالات استعمال کریں۔
  • سوال کریں کہ ہم جو کھانا کھاتے ہیں ہمارا جسم اسے کیسے استعمال کرتا ہے؟ ہماری بڑی آنت کتنی لمبی ہے؟ طفیلی کیڑے کس طرح ہمارا کھانا کھا لیتے ہیں؟ ایک ٹیپ ورم کتنا بڑا ہو سکتا ہے؟ طفیلی کیڑوں کی کتنی اقسام کے بارے میں آپ جانتے ہیں؟ جس جگہ پر آپ رہتے ہیں وہاں کس قسم کے طفیلی کیڑے عام طور پر پائے جاتے ہیں؟ آپ کے جسم میں طفیلی کیڑوں کےہونے کی کیا علامات ہیں؟ طفیلی کیڑوں کو مارنے والی ادویات ہم کہاں سے حاصل کر سکتے ہیں اور یہ ادویات کسے لینی چاہیییں؟ ایک طفیلی کیڑا ایک دن میں کتنے انڈے دیتا ہے؟ طفیلی کیڑے ہمارے اجسام میں سے غذائی اجزا جیسے کہ وٹامن A کے ساتھ ساتھ کھانا بھی لے سکتے ہیں ۔۔ کیا آپ کو پتہ ہے ہمیں وٹامن A کی ضرورت کیوں ہے؟ طفیلی کیڑوں کے بچوں کو لاروا کہا جاتا ہے۔ کونسا طفیلی کیڑے کا لاروا ہماری جلد کے ذریعے ہمارے جسم میں داخل ہو سکتا ہے؟ ٹوائلٹ یا لیٹرین کے استعمال اور ہمارے پیشاپ اور پاخانہ سے محفوظ طریقے سے چھٹکارا حاصل کر کے طفیلی کیڑوں کو پھیلنے سے روکنے میں کس طرح مدد ملتی ہے؟ کیا ہمارے اسکولوں میں طفیلی کیڑوں سے چھٹکارے کے ایام رکھے گئے ہیں؟ وہ ایام کب ہیں؟ کیوں سب کو ایک ہی دن طفیلی کیڑوں سے چھٹکارے کی گولیاں دی جاتی ہیں؟ دنیا بھر میں کتنے بچوں میں طفیلی کیڑے موجود ہیں؟ طفیلی کیڑوں کو پھیلنے سے روکنا اتنا اہم کیوں ہے؟ ہمارے نظامِ انہضام کے بارے میں۔۔ یہ کیسے کام کرتا ہے اور طفیلی کیڑے اسے کام کرنے سے کیسے روکتے ہیں؟ طفیلی کیڑے کا انڈا کتنا چھوٹا ہوتا ہے؟ سب سے چھوٹی چیز کونسی ہے جو آپ جانتے ہیں؟ اگر پانی صاف یا گندا ہو تو ہم کیسے بتا سکتے ہیں؟ پودوں کو بڑے ہونے کیلئے کیا چاہییے ہوتا ہے؟ پودوں کو دینے کیلئے محفوظ کھاد ہم کس طرح بنا سکتے ہیں؟

ٹِپی ٹیپ تیار کرنے یا ہاتھ دھونے کی جگہ بنانے یا خالی جگہوں کو پر کرنے کے الفاظ کی گیم، یا کسی بھی دیگر چیز کے بارے میں مخصوص معلومات حاصل کرنے کیلئے، براہِ مربانی رابطہ کریں www.childrenforhealth.org یا clare@childrenforhealth.org